Nyuma ya Rangurura Evangelical Week, Rangurura choir ibarizwa mu itorero rya ADEPR Gihogwe yahaye yashyize mu mwuka abakunzi bayo mu ndirimbo "Tuzigumira muri wowe".
Muri iyi ndirimbo nziza, iyi korali igira iti: "Yesu we, Yesu we, uri umugabo w’intwali, Yesu we Yesu we urarwana ukanesha!Yesu we Yesu we! Ushoboye byose!.
Iyi ndirimbo ishimangira ubutware n’ubushobozi bw’Umwami Yesu Kristo we watsinze urupfu na Satani, agatsinda Kuzimu ku bw’ibyo agahesha Ubugingo buhoraho abazamwizera ,kubw’ibyo izina rye niryo ryonyine abo mu isi baherewemo gukirizwamo.
Ni indirimbo isohotse nyuma y’Iminsi mike iyi korali ikoze igiterane ngarukamwaka cy’mateka cyiswe "Rangurura Evangelical week". Ni igiterane kimara icyumweru kikaba cyarabaye kuva tariki 23/07 kugeza le 28/07/2024.
Ni igiterane cyari cyatumiwemo amakorali akunzwe n’abavugabutumwa bambaye ubwiza bw’Imana. Holy Nation Choir, Jehovanis Choir, Umuriri w’umubibyi choir, Ahava choir na Rehoboth choir zifatanyije na Korali zo mu rugo nka Moriah Choir, Temoignage Choir na Jehovanis Choir ndetse tutibagiwe Rangurura choir yari yaremesheje ibi birori.
Abashumba barimo Nyihaba Jean Paul, Past Desiré Habyarimana, Past Mugabowindekwe na Ev Roti bakaba ari bo bari batumiwe muri iki giterane nk’abagabura bw’ijambo ry’Imana.
Rangurura choir yashyize hanze indirimbo "Tuzigumira muri wowe"
RYOHERWA N’INDIRIMBO NSHYA YA RANGURURA CHOIR