Mu buzima, hari abantu bagaragaza ibimenyetso by’uko Imana yabatoranyije kugira ngo babe abayobozi beza mu muryango, bubake urugo rukomeye kandi barusigasire.
Niba uri umusore, hari ibintu bitatu bishobora kukubaho bikerekana ko Imana igufiteho umugambi wihariye kandi ko ukwiriye urukundo ruzakugeza mu bavugwa ko bagize ishyingiranwa ryiza.
1. Imana iguha icyerekezo cy’ubuzima
Iyo Imana yagutoranyije, ikwereka neza intego y’ubuzima bwawe. Nubwo waba unyura mu bikomeye, uhora ubona ibimenyetso by’uko Imana iri kumwe nawe. Uba umusore ugira amahoro mu mutima, ukabona ko hari ikintu gikomeye kigomba kugushoboza kugera kure.
Niba ubona Imana igufungurira inzira, iguha impano n’amahirwe yo gukura, menya ko igufiteho umugambi. Iyo ubayeho ubuzima bufite intego, biba ikimenyetso cy’uko Imana yagutoranije kandi ko ushobora kubaka urugo rukomeye rutajegajega, kuko uba usobanukiwe n’aho werekeza.
2. Ugira ubushishozi mu gufata ibyemezo
Umusore Imana yatoye agira ubushishozi mu byo akora. Aba azi gutandukanya icyiza n’ikibi, akirinda ibyo ashobora kuzicuza mu gihe kizaza. Iyo uri umuntu ushishoza, ntabwo ufata ibyemezo byihuse cyangwa se ngo witware uko wishakiye.
Ibi bigaragazwa no kwirinda ibigeragezo, kuba inyangamugayo no gufata umwanzuro ku byo wemera ko ari byiza. Umusore ufite ubu bushishozi abasha gutera intambwe izamugeza ku rushako ruzira amakemwa, kuko aba azi icyo ashaka kandi abayeho mu mucyo.
3. Ushobora gukunda by’ukuri no kuyobora neza
Imana iguha ubushobozi bwo gukunda atari amagambo gusa, ahubwo binagaragarira mu bikorwa. Niba uri umusore ushobora gukunda byimazeyo, guha agaciro uwo mukundana no kumuyobora mu kuri, biba ikimenyetso ko ukwiriye urushako ruzima.
Umuryango mwiza ushingira ku rukundo n’ubuyobozi bwiza. Iyo Imana igufiteho umugambi, iguha ubushobozi bwo kugira urukundo rurambye, rudacogora. Ugira umutima wo kubabarira, gufasha no gukomeza uwo mukundana. Iki ni ikimenyetso cy’uko uzubaka urugo rukomeye ruyobowe n’urukundo rw’Imana.
Icyo usabwa gukora
Niba ubonye ibi bimenyetso mu buzima bwawe, menya ko Imana yagutoranyije kugira ngo ugire uruhare mu kubaka urugo rwiza. Komeza ukure mu mwuka, usenge, kandi ukore ibyiza. Imana izaguha umufasha ukwiye, muzafatanya mu buzima bwo kubaka umuryango uhamye.
Urushako rwiza si amahitamo y’amarangamutima gusa, ahubwo ni ukwiyemeza gukomeza iyo nzira ihesha Imana icyubahiro. Niba Imana yaragutoranyije, izaguha umugisha mu rukundo rwawe, iguhe uwo mukwiranye, mubane mu mahoro no mu rukundo ruzira uburyarya. Ariko, itoranya uwabigizemo umuhati.
Ese wowe hari ikimenyetso wibonaho cy’uko watoranyijwe?
