CEP UR Nyarugenge ni Ihuriro ry’abanyeshuli bakorera umurimo w’Imana muri CEP UR Nyarugenge. Kuri ubu ryateguye igiterane cyiswe "Intwarane Live Concert".
Ni igiterane ngarukamwaka cyateguwe n’ihuriro ry’abanyeshuri basengera mu Itorero ADEPR biga muri Kaminuza y’u Rwanda ishami rya Nyarugenge (CEP-UR NYARUGENGE),
Paradise.rw yaganiriye na Ev Maombi Theogene akaba n’umusangiza w’amagambo (MC) muri iki giterane.
Yatangaje ko ari igiterane gifite intego iboneka muri Matayo 11:12 hagira hati "Uhereye ku gihe cya Yohana Umubatiza ukageza none, ubwami bwo mu ijuru buratwaranirwa, intwarane zibugishamo imbaraga.".
Iki giterane kizaba ku cyumweru taliki ya 10.12.2023, kizabera mu rusengero rwa ADEPR Nyarugenge saa munani.
Hazaba hari amakorari atandukanye yo muri CEP-UR Nyarugenge ariyo Nazir Choir, Gilgal choir ndetse na Elim Praise and worship team.
Chorale z’abashyitsi ni HYSSOP choir yo kuri ADEPR Kiruhura ndetse na Baraka Choir yo kuri ADEPR Nyarugenge. Umwigisha w’Ijambo ry’Imana akazaba ari Musoni Jean Baptiste.
Hissop Choir iriteguye
Elim praise and Worship Team izaba yabucyereye
Baraka Choir ADEPR Nyarugenge yatumiwe muri iki giterane
Umwigisha w’Ijambo ry’Imana azaba ari Musoni Jean Baptiste
Ev Maombi Theogene niwe uzaba ari umusangiza w’amagambo (MC) muri iki giterane
CEP UR Nyarugenge mu giterane gikomeye yise "INTWARANE LIVE CONCERT"
