Iki gitabo kiri ku isonga y’urugendo rwe rw’umwimerere, kivuga ku buzima bw’ukwemera bushingiye ku ubuntu bw’Imana, bugamije gufasha Abakristo gusobanukirwa neza ukuntu ubuntu bw’Imana bufasha umuntu kubohoka no kuba mu mucyo w’ukuri n’ukwizera.

Umutwe w’igitabo ukomoka muri Yohana 1:16, ahavuga ko Yesu yarangwaga n’ineza ihebujea n’ukuri, kandi ko natwe twakomeje kubigaragarizwa mu buryo bwuzuye. Pasiteri Jotham mu gitabo cye asobanura ko agakiza atari ikintu dushobora gukorera, ahubwo ari impano y’Imana, ikagenera umuntu wese wizera.

Mu gitabo “Grace Upon Grace”, asobanura uburyo ubuntu bw’Imana bushobora guhindura ubuzima bw’umuntu. Agaragaza ko binyuze mu rukundo rw’Imana, umuntu ashobora kuzamurwa akava mu bibazo akagera ku rwego rwo hejuru mu buzima bwe bw’umwuka.

Iki gitabo kigamije gufasha abasomyi gusobanukirwa n’uburyo ubuntu bw’Imana bukora mu buzima bwabo bwa buri munsi, bubafasha gutsinda ibigeragezo no gukura mu kwizera. Jotham yifashishije ubuhamya bwe bwite n’inyigisho za Bibiliya kugira ngo ashimangire ubutumwa bwe.

Ibimwerekeye wamenya:

Pasiteri Jotham yavukiye mu Ntara ya Kivu mu gihugu cya République Démocratique du Congo (RDC) mu mwaka wa 1994, nyuma yimukira mu Rwanda. Yakuriye mu muryango w’Abakristo, aho yigishwaga ko kujya mu rusengero no gukora ibikorwa byiza ari byo bikwirakwiza agakiza. Ariko, mu mwaka wa 2016, agiye kwiga muri World Impact Bible Institute (WIBI), ni bwo yashatse gufungura amaso ye ku butumwa bw’ubuntu bw’Imana.

“Nakundaga Yesu ariko ntabwo nari nzi ukuri kwe. Nari mfite imyemerere, ariko sinari mfite ubuhamya.”

Yize ibijyanye n’iyobokamana muri Kenya no muri Canada, aho yakuye ubumenyi bwimbitse mu by’iyobokamana.

World Impact Bible Institute (WIBI) ifite amashuri atandukanye ku isi, ariko ikigo cyayo gikuru kiri mu Canada, aho Pasiteri Jotham Ndanyuzwe yize. Ni ishuri ryigisha Bibiliya ku rwego mpuzamahanga, rikaba riri mu bihugu byinshi kugira ngo riteze imbere ubumenyi n’ubushobozi ku bijyanye n’umurimo w’Imana.

Umupasiteri, umumisiyonari, n’umwanditsi
Pasiteri Jotham ubu ni Pasiteri wemewe. Yabaye umumisioneri n’umuyobozi mu rusengero, ndetse yimikwa nka pasiteri ku itariki ya 4 Kanama 2024.

Akomeje kuba umuyobozi utanga inyigisho zishingiye ku butumwa bw’ubuntu (ineza). Igitabo “Grace Upon Grace” ni kimwe mu byanditswe byinshi yanditse, kandi ni igitabo cy’ubuhamya bugamije gufasha Abakristo gusobanukirwa neza imiterere y’ubuntu bw’Imana.

“Iyi ni inzira y’iyobokamana, ariko ni ubuzima bwanjye bwite. Ntabwo ndi kugerageza gukora ngo ndebe ko Imana imfata neza. Ubu ndi kubaho mvuga ko ntegetswe n’urukundo rwayo.”

Igitabo kiri kuboneka kuri Pre-order

Abifuza kugura iki gitabo bashishikarijwe kugipangira mbere (pre-order) binyuze ku mbuga nkoranyambaga za Jotham Ndanyuzwe cyangwa ku zindi mbuga zigurisha ibitabo. Iki gitabo ni ingirakamaro ku bantu bose bashaka gukura mu buryo bw’umwuka no gusobanukirwa n’ubuntu bw’Imana mu buzima bwabo.

“Grace Upon Grace” ni igitabo gikwiye gusomwa n’umuntu wese ushaka gukomeza urugendo rwe rwo kwizera no gusobanukirwa n’uburyo Imana ikorera mu buzima bwe.

Iki gitabo cyashyizwe kuri pre-order, kandi abasomyi bose barasabwa kwihutira kugifata mbere y’uko gisohoka ku mugaragaro. Nk’uko Pasiteri Jotham abivuga kenshi: “Ku muntu wese uri mu buryo bwo kugerageza gukora ibihambaye ngo azabe Umukristo mwiza: hari inzira nziza kurushaho (yo kubigeraho). Ngwino wumve ibyo Kristo yakoze byose (usoma iki gitabo).”

Pre-order ni uburyo bwo gutanga icyemezo cyo kugura igitabo cyangwa ikindi kintu kitarasohoka cyangwa kitaragera ku isoko. Abantu bashobora kubisaba mbere y’igihe, bagatanga amafaranga cyangwa icyemezo cyo kugura icyo kintu, bityo bakaba babona icyo kintu mbere y’abandi cyangwa bakabona inyungu zidasanzwe.

Ukoze Pre-order (ugatumiza mbere) wabasha kubona igitabo mbere y’uko gishyirwa ku isoko

Pasiteri Jotham ni umupasiteri, umumisiyonari, n’umwanditsi