Nk’uko yabitangaje, hari ibintu bitatu umunyamahirwe agomba kuba yakoze bitarenze uyu wa Gatanu tariki ya 25 Ukwakira 2024. Yagize ati: “Ndashaka guha abantu batanu amahirwe yo gutsindiria tike y’igitaramo nzaba ndimo ejobundi ku Cyumweru tariki ya 27 Ukwakira 2024, igitaramo Umuryango Mwiza Livw Concert cyateguwe na Family of Singer Choir.”

Yakomeje agira ati: “Kugira ngo utsindire tike rero usabwa gukora ibintu bitatu: Icya mbere ni ugukora follow kuri page ya Instagram ya Maltona.rw, icya kabiri urakora kuri like y’iyi post, icya gatatu muri comment urataginga inshuti zawe eshatu hanyuma usharinge kuri story yawe iyi post. Abanyamahirwe bazatangazwa ejo ku wa Gatandatu.”

Iki gitaramo kizaba ku Cyumweru tariki ya 27/10/2024 muri Camp Kigali, kizaririmbamo Family of Singers Choir, Israel Mbonyi, True Promises Ministry na Drups Band nk’uko ubuyobozi bwa FOS bwabitangaje.

Family of Singers igiye kugikora ishyigikiwe n’abafatanyabikorwa barimo SKOL ibinyujije mu kinyobwa cyayo kidasmebuye cya Maltona, hakaba hazahembwamo umwe mu miryango ikuze kandi ibanye neza.

Family of Singers ni korali yatangiye mu 2009. Yatangijwe n’abantu 12 itangirira mu muryango wa Muzehe Pawulo. Kuri ubu imaze kwaguka kuko yagwije umubare w’abaririmbyi 84.
Yatangiriye umurimo muri EPR Paroisse ya Kiyovu ari na ho ibabarizwa. Perezida wayo, Eugenie Mujawamariya, yasobanuye ko bakora amahugurwa agamije kubaka umuryango, bagasangira ubuzima, bakareba ibituma umuryango usenyuka.

Imaze gukora ibitaramo bitandukanye mu nyungu z’Ubutumwa Bwiza ndetse n’umuryango. Igitaramo cya mbere cyabereye muri Serena Hotel, icya kabiri kibera kuri Romantic mu gihe icya gatatu kizabera muri Camp Kigali.

Mu kurushaho guha umuryango agaciro, mu mahugurwa bakora, biyambaza abantu bazwiho kugira ubumenyi buhagije mu nyigisho z’umuryango.

Amatike wayasanga aha hakurikira: Women Foundation, Bethesda Holy Church, Foursquare Gospel Church, Restoration Masoro, Zion Temple, The Choice Bakery & Coffee, Good News Enterprise, Omega Church, La Gardienne, EPR Kiyovu, EPR Kamuhoza;

EPR Kicukiro, EPR Karugira, EPR Kanombe, RAAH Super Market, Deluxe Super Market na La Mane Kicukiro. Ushobora kugura itike mu buryo bw’ikoranabuhanga unyuze kuri: www.rgticket.com mu gihe abadiaspora bashobora kugura tike banyuze kuri: www.radahmedia.com.
Iya make ni ibihumbi bitanu (5000Frw).

Israel Mbonyi na Maltona biteguye guha abanyamahirwe batanu tike yo kwinjira mu gitaramo “Umuryango Mwiza Live Concert”

Gura tike nawe