Korali Siloam yagiye ikora indirimbo nyinshi zakunzwe cyane dore ko iherutse gukora iyitwa "Mbona ljuru", yakoze ku mitima ya benshi ku bwo ubuhanga ikoranye haba mu miririmbire no mu buryo ihimbitse.

Kuwa 29 Werurwe 2024 ni bwo korali Siloam yashyize hanze igihangano yise "Yesu ni we mwungeri mwiza" ifite amashusho meza yakorewe ku Gisozi kuri Dove Hotel ndetse amashusho akorwa na Anselme mugihe amajwi yatunganijwe na Mandela.

Aba baririmbyi bari baherutse no gushyira hanze indirimbo yafatanije na Korali Galeyadi mu ndirimbo bise "Bwira Yesu". lyi korali igenda ikomeza kwigarurira imitima y’abanyarwanda dore ko harimo n’abagabo bafite amazina aremereye mu muziki nyarwanda wo kuramya no guhimbaza lmana nka Bosco Nshuti na Jado Sinza.

Mu minsi ishize nibwo humvikanye inkuru y’indirimbo nshya ya korali Siloam yiswe "Mbona ljuru". Ni indirimbo ikoze, iririmbitse ku buryo buteguye kandi neza .lyi ndirimbo yaje ikurikira iyo bari bise "Ndaririmba" nayo yakunzwe cyane .

Mu busanzwe korali Siloam igira ibihangano bikundwa cyane byuzuza abantu Mwuka Wera ndetse bikanabakumbuza ubwami bw’ijuru.

lyi Korali yatangiye mu 1992 gusa iza guhabwa izina Siloam mu 1997. lyi korali Siloam ifite abaririmbyi barenga 120. Imaze igihe yubaka umurimo w’Imana dore ko alubumu ya mbere y’amajwi (audio) yasohotse mu 2005 ndetse n’amashusho (Video) ya mbere yasohotse muri 2010.