Ines de Jésus yabwiye Paradise.rw ko yakuranye inyota nyinshi yo kuramya Imana mu ndirimbo ndetse anatyaza ijwi rye mu makorali ndetse na Worship Team zo muri Evangelical Restoration Church - Rubavu. 

Nubwo haciye igihe ariko Ines de Jésus yakomeje kugira umuhigo wo kuririmba no gukoresha impano ye cyane cyane mu gushima Imana no kuyiramya kuko ari cyo Imana yaturemeye.

Yagize ati "Nahigiye Inana umuhigo wo gukoresha impano yanjye nyiramya ndetse nayihimbaza kuko ari byo Uwiteka Imana yaturemeye, none ndayimira ko yanshoboje gusohoza uyu muhigo nubwo inziria ikiri ndende"

Kugeza ubu Ines de Jésus yashoboye gukora iyi ndirimbo ya mbere ndetse ayikorana na producer Mima Alexis uzwi cyane muri Alarm Ministries. Ines de Jésus yakomeje atangariza Paradise.rw ko acyisuganya ngo akore izindi ndirimbo z’amajwi n’amashusho (Audio&Video)

Iyi ndirimbo ikijya hanze Paradise.rw yabajije umuramyi akaba n’umunyamakuru Nelson Mucyo uko abona impano ya Ines de Jésus maze nawe agira ati "Wow njye nishimiye cyane kongera kumva ijwi rya Ines de Jésus kuko twaririmbanye cyera akiri muto cyane ndetse anatuyoborera (Lead) indirimbo nyinshi, nyuma yaho yaje kwimuka turaburana."

Yakomeje avuga ko yizeye neza ko Imana izamugeza kure. Yagize ati "Ni ukuri Ines yakuze akunda kuririmba ndetse agira n’ijwi riyoshye kuko njye nari umutoza (Conducteur) icyo gihe nari nzi ijwi rye ko nta makaraza kabisa "

Ntibyadushobokeye kuvugana na Patient Bizimana uko nawe yakiririye impano ya Ines de Jésus nk’umuntu nawe wakuriye muri Evangelical Restoration Church Rubavu mu nkuru yacu izakuririkiraho tuzamubaza nawe atubwira uko yumvise indirimbo ya Ines de Jésus.

Ines de Jésus akaba yiyandikira indirimbo ze anagerageza gucuranga Guitar Accoustic nubwo akiri kubyiga twizeye ko azabimenya. Yasoje ashimira Producer Mima Alexis ndetse na Equipe ngari yakomeje kumushyigikira irimo abagize Umuryango we wose ku rukundo bakomeje kumwereka.

Washyigikira Ines de Jésus ugasangiza inshuti zawe iki gihangano cye cya mbere. Ryoherwa n’indirmbo ye Umutima, ukande Subscribe, Like na Share ndetse unasige ubutumwa bugufi (comment) umutere umurava, Imana iraguha umugisha.

Ines de Jésus yashyize hanze indirimbo ye ya mbere

RYOHERWA N’INDIRIMBO YA MBERE YA INES DE JESUS