Umuramyi Igihozo Christine aciye impaka ku byari bimaze iminsi bivugwa ko ari mu munyenga w’urukundo na Yves Rwagasore baherutse gukorana indirimbo yitwa "Waratsinze".
Ubwo yari yatumiwe mu kiganiro Holy Room kiyoborwa n’umunyamakuru Abayisenga Christian, Igihozo Christine yabajijwe niba amakuru amaze iminsi avuga ko yaba ari mu kibatsi cy’urukundo na Yves Rwagasore yaba ari impampo.
Yabajijwe kandi niba baba bitegura kubana akaramata bakaziyongera kuri James na Daniella, Papi Clever&Dorcas, Zabron na Deborah ndetse na Ben&Chance mu ma couple yirundumuriye mu kuramya.
Benshi bibazaga igisubizo agiye gutanga. N’ubwo atabihakanye cyane, ariko yagize ati: "Si ko bimeze, ejo Yves hatagira umuntu umubuza amahirwe yo gukundana".
Yongeyeho ati: "Ahubwo umukobwa ufite iyerekwa kuri Yves aritambutse, kandi nanjye umusore ufite iyerekwa aritambutse vuba".
Ni igitaramo yahuriyemo n’umuramyi Divine Nyinawumuntu aho aba baramyi bakaba bakuriwe ingofero. Iki gitaramo cyabereye mu kiganiro Holy Room cya Isibo Tv.
Nyuma yo kuririmba, Christine yatunguwe n’abo bari kumwe bamwifuriza isabukuru nziza anahabwa impano zirimo Gateau.
Igihozo Christine akaba yaramenyekanye mu ndirimbo zitandukanye zirimo "Ku musaraba", "Tegereza" ndetse na "Waratsinze" yaririmbanye na Yves Rwagasore.
Igihozo Christine ari mu baramyi bo guhangwa amaso
Isabukuru y’amavuko ya Igihozo yizihirijwe kuri Isibo Tv
Igihozo Christo yavuze ko umusore umufiteho iyerekwa yamugeraho
REBA ZIMWE MU NDIRIMBO ZA CHRISTINE IGIHOZO
