lyo tuvuze ADEPR tuba tuvuze abantu bayibarizwamo. Hari indangagaciro zikwiye kuranga uwo muntu nk’uko abenshi babivuga bati "ADEPR ni itorero ry’Umwuka". Nk’umukristo wa ADEPR nkaba n’umunyamakuru ugamije kubaka ubwami bw’Imana hari ibyo nifuza kuri ADEPR.

lkintu cya mbere gikwiye kuranga umunyetorero wese wa ADEPR agomba kugira urukundo kuko lmana ni urukundo kuko udakunda ntazi lmana kuko lmana ari urukundo ni narwo rwatumye lmana itanga umwana wayo w’ikinege. Yohana 3:16.

Buri mu nyetorero aba agomba gukizwa ku gato no ku kanini. lyo tuvuze gukizwa ku gato no ku kanini ni ukwirinda gukora ibyagutandukanya n’ubwoza bw’lmana, ndetse ukumenya ko wakiriye Yesu nk’Umwami n’umukiza w’ubuzima bwawe ukayoborwa na Mwuka Wera.

Ndetse kandi umukirisitu wa ADEPR agomba kubera itara ryaka ku bamukikije bose akababera urumuri rubamurikira. lbi bitera benshi gukizwa iyo babonye ingeso nziza.

Umukirisitu w’itorero rya ADEPR agomba kurangwa no gufasha. Uvuye no ku buzima bw’itorero abantu babayeho mu byiciro bitandukanye bigiye bisumbana bityo rero umunyetorero agomba kugira umutima wo gutanga haba ku banyetorero ndetse no hanze yaryo.

Sibyo gusa kandi ADEPR ikwiye kurangwa n’abakirisitu bafite imyitwarire myiza. Mu myitwarire dusangamo ibintu byinshi: kubaha ababayobora, imyambarire ndetse n’imigensereze yabo, nko ku myambarire umukirisitu agomba kwambara yikwije neza.

ltorero rya ADEPR rigomba kujya riha amahugurwa ahoraho kuri buri mukirisitu amwereka inzira nziza yatangiye bityo bigatuma adahagarara bikamutera imbaraga.

Buri mukirisitu agomba kurya igaburo ryera kuko ni ikimenyetso Yesu yasigiye intumwa ubwo yendaga kuzamuka ajya mu ijuru. Gusa bitavuze ko na bamwe biyoberanya barikwiye biba byiza mu gihe umutima ugucira urubanza iyo wikiranuye nawo ukitunganya.

Byagaragaye mu matorero menshi ko abakristu badaha agaciro igaburo bagera muri uwo mwanya bakigendera. Muri rusange umukirisitu wa ADEPR akwiye kugira indangagaciro na kirazira zitorero.