Baba Vanga, umwe mu bahanuzi b’ibyamamare, ni umuntu utazibagirana mu mateka y’isi. Yavukiye muri Bulgarie ku itariki ya 31 Mutarama 1911, abona umugisha n’amahirwe y’ubuhanuzi bw’igihe kizaza.
Baba Vanga yabaye impumyi afite imyaka 12, nyuma yo kugerwaho n’ibiza bikomeye.
Nk’uko amateka amuvugaho, mu mwaka wa 1923, Baba Vanga yari ari gukinira hanze hafi y’aho bavukaga mu majyepfo ya Bulgarie, haje gutera umuyaga mwinshi cyane (tornado) wamuteruye ukamujugunya kure. Nyuma yo kumara igihe runaka aburiwe irengero, bamusanze mu mirima aho yari yakomeretse cyane, cyane cyane mu maso.
Amaguru yamugaye gato, ariko amaso ye yo yarabyimbye cyane, kuko yarimo ivumbi n’umukungugu mwinshi. N’ubwo yakorewe ibikorwa by’ubuvuzi byoroheje, ubushobozi bwo kubona ntibwigeze bugaruka. Uhereye ubwo, Baba Vanga yabaye impumyi burundu.
Ibi ni byo byatumye abantu bamwe bavuga ko icyo gihe ari bwo yatangiye kugira ubuhanga bwihariye bwo "kubona" ibitaboneka—ari byo ubuhanuzi.
Hari abemeza ko ubuhumyi bwe ari bwo bwamufunguriye indi myumvire n’imbaraga zihariye z’umwuka, nyamara nta wahamije neza neza ko ibyo yavuze byose byari ukuri.
Yaje kwitwa "umuhanuzi w’abantu" nyuma y’uko abantu benshi batangaje ko ibyo yavuze bitaraba bimwe byasohoye nyuma. Gusa ubwo buhanuzi bwose ntibwavuze ibitangaza bizaba gusa, ahubwo bwagiye bunavuga ibiteye ubwoba, bwibanda ku mivurungano, ku bibazo bya politiki n’imibanire hagati y’ibihugu.
Baba Vanga n’ubuhanuzi buteye ubwoba: Ni iki cyatumye atinywa?
Kugeza ubu, hari abantu benshi babona ko ubuhanuzi bwa Baba Vanga bufite ishingiro. Urugero, mu buhanuzi bwe, yavuze ko u Burayi buzamanuka mu myaka iri imbere, bukaba bugomba kuzagera aho buzaba butakigira imbaraga mu gihe kizaza.
Muri 2025, bumwe mu buhanuzi bya Baba Vanga bwasohoye, aho yavuze ko mu Burayi hazabaho imivurungano ikomeye, biturutse ku mpinduka mu mikorere ya politiki n’imibereho y’abaturage. Amakuru akomeje kuvuga ko hagati muri uyu mwaka wa 2025, ibintu byinshi bizahinduka, ndetse isi ikazaba muri bimwe mu bihe bikomeye byo guhangana no guhinduka kw’imiterere y’ubukungu.
U Bushinwa: Uko Baba Vanga yabuhanuriye ko buzaba igihangange mu bukungu
Baba Vanga yagiye avuga ko u Bushinwa buzagira imbaraga mu bukungu kandi bukaba buzayobora isi. Nubwo mu gihe cyashize igihugu cy’u Bushinwa cyari mu bibazo by’ubukungu, ubu bugaragaza iterambere ryihuse mu bucuruzi, ku buryo ubu ari igihugu gikomeye muri rusange mu bukungu.
Ku bw’ibyo, hari abantu bavuga ko ubuhanuzi bwa Baba Vanga bwagiye buhinduka impamvu y’icyizere mu bihugu byateye imbere, aho ubwiyongere bw’ubukungu bw’u Bushinwa bwabonetse.
Baba Vanga yavuze iki ku Bubiligi n’u Burayi?
Baba Vanga yavuze ko u Burayi buzaba buyobowe n’Abisilamu mu mwaka wa 2043. Ibi byazamuye impaka nyinshi, kuko umuntu wese atangira kwibaza icyo bizaba bivuze ku miyoborere ya politiki n’imibereho y’abantu muri iki gihe cya none.
Isesengura riri gukorwa na benshi, aho abakurikira ubu buhanuzi bemeza ko ibyavuzwe na Baba Vanga byaba byaragezweho muri ubu buryo. Hari n’abavuga ko nyuma y’iminsi mikuru mu Burayi, abantu bazabona ko imihindagurikire y’ubuyobozi, amasezerano y’amahoro, ndetse n’amahoro hagati y’ibihugu ari byo bizashimangirwa.
Ni kuki isi ishobora kurimbuka?
Baba Vanga yavuze ko ikiremwamuntu kizashira, ibintu biteye ubwoba ku buryo abantu benshi batangiye kwibaza ku miterere y’isi no ku birebana n’ukuri kwa Baba Vanga. Hari abavuga ko iyi mvugo ishingiye ku mibare, ibitekerezo n’ubushakashatsi bikomeje guhindura uko abantu bibona ku buzima n’isi yabo. Hari n’abavuga ko iyi mvugo ya Baba Vanga igamije gusobanura ihungabana ry’ubuzima n’amahoro ashyigikiwe n’imiryango mpuzamahanga.
Baba Vanga: Umuhanuzi ni umuhanuzi w’ukuri?
Mu gihe abantu benshi bakomeje kugenda bagaragaza impungenge ku buhanuzi bwa Baba Vanga, haracyari urujijo k’uko twabwakira. Ni gute ubu buhanuzi bwagiye butera ubwoba n’ubwumvikane buke hari abemera ko bwagiye busohozwa kandi bukaba bufite ishingiro ry’ukuri?
Nubwo bwinshi mu buhanuzi bwe butarasohora, hari benshi bibaza ko Baba Vanga yari afite ubushobozi bwo gutangaza ibintu bidasanzwe, ariko nyuma yo gupfa, ibyo yavuze byakomeje gutera abantu kubikoraho ubushakashatsi no kugenzura ahazaza h’isi ngo barebe ko bihura.
Baba Vanga ni muntu ki? Yari umuhanuzi cyangwa umuntu usanzwe? Iki ni ikibazo gikomeje gufata intera, ariko kuba hari ubuhanuzi bwiza bwavuzwe, n’ubwo butarasohora bwose, bituma abakurikira ibyo yavuze bakomeza kugerageza kureba uko bizagenda muri iki gihe cya none.
Baba Vanga yapfuye ku 11 Kanama 1996, afite imyaka 85.
Yapfiriye mu gihugu cya Bulgarie, aho yari atuye mu mujyi wa Petrich, nyuma y’imyaka myinshi yaramamaye nk’umuhanuzi. Yari amaze igihe arwaye indwara y’impyiko (kidney failure).
