Nyuma yo gusohora iyi ndirimbo nziza cyane, Paradise.rw yegereye Umuyobozi mushya wa Holy Entrance Ministry adusubiza agira ati: "Indirimbo yitwa "Uriya ninde" ni ndirimbo nshya ya Holy Entrance Ministries yo kuri album yitwa Good News Season 1."
Yakomeje avuga ko iyi ndirimbo ari inkuru y’umuntu wabonye Yesu Kristo abambwe ku giti aribaza ati ’Uriya ninde’ umanitswe ku giti nk’ikivume? nuko Mwuka Wera aza kumusobanurira ko ari Kristo ubambiwe ibyaha bye".
Yesaya 53-5. Nyamara ibicumuro byacu ni byo yacumitiwe, yashenjaguriwe gukiranirwa kwacu, igihano kiduhesha amahoro cyari kuri we, kandi imibyimba ye ni yo adukirisha.
Yanabajijwe icyo iyi korali iteganya nyuma yo gusohora iyi ndirimbo, at: "Holy Entrance Ministries dufite gahunda nyinshi kandi nziza muri uyu mwaka wa 2024, abakunzi bacu bazagenda babona".
Yaboneyeho guteguza Album aho yagize ati: "Indirimbo nziza ziri kuri iriya album ya 3 ndetse turateganya no gukora ibindi bikorwa bikomeye muruyu mwaka wa 2024."
Holy Entrance Ministries ni rimwe mu matsinda akunzwe kuva mu 2013; rikaba ryarazamuriwe icyubahiro n’urukundo biturutse ku bihimbano by’Umwuka byaryo birimo “Ishimwe”, “Hozana”, “Nzarama”, “Amahoro”, “Ishimwe”, “Calvary”, “Ibyiringiro”, “Ngenda nemye”, “Wowe uriho” na “Uzanyibutse”.
Holy Entrance Ministry ni rimwe mu matsinda akunzwe cyane
RYOHERWA N’INDIRIMBO NSHYA "URIYA NI NDE" YA HOLY ENTRANCE
