All Gospel Today, AGT, ni umuryango ugizwe n’abashumba b’amatorero atandukanye, abaramyi, abanyamakuru ndetse n’aba Producers n’abandi bavuga rikjyana muri Gospel.

Jimmy Rubibi yashimiye AGT ku ruhare rwabo mu iterambere rya Gospel anabasaba kubaba hafi mu gihe hasigaye amasaha make ngo habe igitaramo Holy Entrance Ministry

Iki gitaramo cyiswe "Good News Live Concert" cya Holy Entrance Ministry giteganyijwe kuri iki cyumweru le 02/07/2023 guhera Saa Munani mu rusengero rwa Christian Life Assembly ruherereye i Nyarutarama.

Mu kiganiro kigufi yagiranye na Paradise.rw, Jimmy Rubibi wahoze ayobora Holy Entrance Ministry, akaza guha inkoni Bwana Rugenerwa Yvan (Nawe waduhaye amakuru y’imyiteguru y’igitaramo mu nkuru zitandukanye twatambukije), yagize ati "Ndashimira umuryango wa All Gospel Today wakomeje gushyigikira itsinda rya Holy Entrance Ministry;

Ndashimira itangazamakuru ryakomeje kubana natwe, turashimira buri wese ukomeje kudufasha ngo iki gitaramo kizagende neza hagamijwe kubwira abantu umurimo Kristo yakoze".

Yakomeje agira ati "Nka All Gospel Today muri umuryango dufite, mutube hafi mu masaha macyeya asigaye, muzaze twifatanye mu gitaramo cy’umugisha. Ndasaba itangazamakuru gukomeza kutuba hafi, turi abanyu namwe muri abacu".

Mu kiganiro aheruka kugirana na Paradise.rw, Bwana Rugenerwa Yvan umuyobozi mukuru w’uyu muryango yatangaje ko imyiteguro imeze neza. Yagize ati: ’’Twiteguye kwamamaza ubutumwa bwiza bwa Yesu Kristo".

Muri iki gitaramo kizatangira saa kumi z’umugoroba, Itsinda rya Holy Entrance Ministries rizifatanya n’Umuramyi ukunzwe cyane Bosco Nshuti, Itsinda rya Healing and Worship Ministries ndetse na Gisubizo Ministries iherutse kwandika amateka i Burundi.

Kwinjira ni 5,000 Frw mu myanya isanzwe, 10,000 Frw muri VIP ndetse na 20,000 Frw muri VVIP. Amatike ari kuboneka kuri Noneho.com ndetse ushobora kuyasanga hirya no hino muri Kigali nko kuri CHIC, Fashion Store cyangwa kuri Rehoboth Church Kanombe (ku Kidendezi).

Ntiwicwe n’irungu rya Weekend, ngwino i Nyarutarama utaramane n’abaramyi baremewe kukuremera umunezero.

Amasaha arabarirwa ku ntoki ngo iki gitaramo kibe