Umuhanzi w’indirimbo zihimbaza Imana, Bigirimana Fortran ukomoka i Burundi ariko akaba amaze imyaka 10 atuye mu gihugu cy’u Bufaransa hamwe n’umuryango we, kuri uyu wa 29 ni bwo yashyize hanze indirimbo nziza cyane cyane yise "Ncuti nziza".

Ni indirimbo nziza cyane aho atangira agira ati: "Hari amabanga Menya gusa iyo nkuteze amatwi, unganiriza gahoro n’ijwi ry’urukundo ngo mbone gusa nawe, ijwi ryawe ni ryiza imvugo yawe ntigira uburyarya, urukundo rwawe ni rwiza rutuma uhora unkunda n’iyo ntabibereye, niga vyinshi ndavye ivyo ukora nuko ubikora biranyigisha.

Akomeza agira ati: "Yesu uri inshuti buri wese yokwifuza kugira, kukugira bindutira vyose ni we butunzi bukomeye mfise mukunzi gumana nange ncuti y’igihe cose ncuti nishimira. Ng’ico ico ntazigera nicuza. Ng’ico ico nzohora nirata, N’igihe nzoba ndiko ndapfa, nzovuga nti wambereye incuti nziza pe!!."

Ubwo uyu muramyi ufite amateka akomeye yo kubura ababyeyi be akiri muto cyane, ndetse n’imvune ikomeye yagize byamuviriyemo no kwisabira urupfu bitewe n’uko ubuzima bwari bumushaririye cyane. Avuga ko ubwo yari ari mu bitaro, ari bwo Imana yamusuye ikamuha umuhamagaro agenderaho uyu munsi wo kuririmba.

Uyu muramyi ukunze gukoresha amagambo yuzuyemo ihumure mu bihangano bye ubwo aheruka kuganira n’itangazamakuru yasobanuye ko aba ashishikajwe no gusubizamo abantu ibyiringiro kuko yanyuze mu bihe bibi azi n’uko biryana.

Uyu muramyi kandi muri uyu mwaka wa 2024 aherutse mu Rwanda mu gitaramo yise "Birakumvira Live recording" ku rusengero rwa New Life Bible Church Kicukiro. Ni igitaramo yarari kumwe n’inshuti ze bafitanye umubano ukomeye James na Daniella ku wa 14 Mutarama 2024.

Fortran Bigirimana azwi cyane mu ndirimbo nka ’Azonyambika,’ ’Ntaco Nzoba,’ ’Birakumvira’ yafatanyije na Adrien Misigaro, ’Amahoro’ n’izindi.