Byari umugisha mu gitaramo cyo kuri uyu wa 26/11/2023. Ni igitaramo cyateguwe na Reverence Worship Team ibarizwa mu itorero rya Eglise Methodiste Libre Au Rwanda (EMRL) Kicukiro.
Ni igitaramo cyari gifite intego ivuga ngo "Muri Yesu Kristo" hagendewe ku ijambo ry’Imana riboneka muri Abefeso 2:10). Ni igitaramo cyahuje korali zitandukanye ziarizwa muri EMLR Kicukiro zirimo Narada Choir, Ibyiringiro choir Reverence Worship Team na Elayone Music.
Urusengero rwa MELR Kicukiro rwari rwakubise rwuzuye. Abakozi b’Imana batandukanye bitabiriye iki gitaramo barimo Rev. Dr. Rutimirwa Benjamin wari uhagaraiye Paruwase ya Kicukiro.
Reverence Worship Team yasusurukije abitabiriye iki gitaramo mu ndirimbo zayo bwite, harimo : Ubwami bwawe, Yesu ba muri jye ndetse n’Indirimbo yayo nshya “Muri Kristo Yesu”.
Uretse inidirimbo zabo, Reverence Worship Team yanasubiyemo indirimbo z’abandi bahanzi zirmo “Isezerano ya James na Daniela”, yafashije cyane abari bitabiriye iki gitaramo.
Ijambo ry’Imana muri iki Gitaramo ryagabuwe na Rev. BIZIMANA Seth , uyobora Conference ya Ruhengeri mu itorero Methodiste Libre mu Rwanda. Yabwirije ijambo ry’Imana agendeye ku ntego y’igiterane "Imibereho yo muri Kristo" agendey ku ntego y’igiterane iboneka muri Abefeso 2:10.
Uyu mushumba yasobanuye uburyo Kristo yazuye abari barapfuye bazize ibyaha n’ibicumuro. Yasobanuye uburyo abari kuzacirwaho iteka bazukiye muri Kristo Yesu Umwami ku bw’amaraso ya Yesu Kristo n’urukundo rw’Imana.
Yavuze ko icyaha gikomeye Adamu yakoze ari ijambo "Njyewe". Yavuze ko iyo habayeho guhinduka tukaba ibikoresho by’Imana hazamuka Data wa Twese uri mu ijuru. Nyuma yo kubwiriza iri jambo umwe mu bantu bari barasubiye inyuma yapfukamye arihana abandi basubijwemo imbaraga.
Narada choir yahise iririmba indirimbo yitwa “ Urubanza”. Ni indirimbo yuzuyemo ubutumwa bwiza ivuga ku gucungurwa kw’umwana w’umuntu.
Reverence Worship Team yasubiye ku ruhimbi iririmba indirimbo 2 yakira Dominic Ashimwe. Mbere yo guha Microphone Dominic, baririmbye indirimbo Hozana ya Dudu.
Ni igitaramo cyateguwe na Reverence Worship Team, bacyita "Muri Kristo Yesu: Ubuzima bw’abizera bubumbiye muri Kristo Yesu". Iyi worship team yamaze imyaka 10 itagira Izina kugeza mu kwa 8/2021, ikaba ifite Inkingi 4 yubakiyeho arizo: Kuririmba, Amasengesho no gukura mu buryo bw’umwuka, Kubaka ubushobozi ndetse n’Imibanire n’ubusabane.
Saa 17H50: Dominic Ashimwe yakiriwe ku ruhimbi!
Dominic Ashimwe yatumiye abitabiriye iki gitaramo kuzamushyigikira mu gitaramo cya Drups Band kizaba kuri iki cyumweru. Uyu muramyi ndashidikanywaho mu mitima ya benshi yahereye ku ndirimbo "Ari kumwe natwe", aririmba "Ashimwe", akomereza kuri "Ndishimye", asoreza ku ndirimbo "Nemerewe".
Ntawukuriryayo Frederic umuyobozi wa Reverence Worship Team yagiranye ikiganiro n’itangazamakuru. Yagize ati: "Uyu munsi turashima Imana ko twateguye iki gitaramo cyo kuramya no guhimbaza Imana".
Yavuze ko ari cyo gitaramo cyonyine bakoze nyuma y’icyorezo cya Covid-19 doreko mbere ya Covid-19 bateguraga ibitaramo bitandukanye.
Yavuze ko ubwo bateguraga iki gitaramo, batekerezaga ko ari igitaramo cyoroshye, gusa nyuma baza kubona ko iki gitaramo gikomeye mu buryo bw’Umwuka aho satani yagiye abagabaho ibitero bikomeye. Bamwe barimo uyu muyobozi bakoze impanuka, abandi bararwara ariko Imana iza kubarengera babona ko ukuboko k’Uwiteka kuri kumwe nabo.
Yashimye Imana ku bw’imigendekere myiza y’igitaramo ndetse no kuba yabahaye umucyo. Avuga ku bwitabire, yavuze ko yashimishijwe no kubona ubwitabire bwo mu rwego rwo hejuru dore ko urusengero rwakubise rukuzura.
Reverence Worship Team, ni itsinda imyaka 11 rikorera muri EMLR Kicukiro. Uyu muyobozi yavuze mbere yo gutangira gushyira ibihangano byabo hanze babanje gushaka izina ndetse no gukora ibikorwa bifatika kugira ngo barenge urusengero bagere no hanze yarwo.
Yavuze ko nyuma yo kwitwa izina batangiye kwandika no gukora indirimbo mu buryo bw’amajwi ndetse n’amashusho kugira ngo zitangire gusohoka. Yongeyeho ko bakoze indirimbo 6 z’amajwi n’amashusho ariko hakaba hamaze gusohoka indirimbo 4 dore ko iya 4 yasohotse ku munsi w’igitaramo nyir’izina.
Abajijwe ku byerekeye guhsyira ku mugaragaro abum yabo ya mbere, yavuze ko babiteganya mu mwaka wa 2025. Ni igitaramo cyasojwe abantu benshi bagifite inyota yo kumva ubutumwa bwiza.
Paradise yari iri muri iki gitaramo, nawe ukeneye ko dukurikirana amakuru yawe uhawe ikaze. Email yacu ni [email protected]
Reverence Worship Team yateguye iki gitaramo
Cyari igitaramo gihebuje!
RYOHERWA N’INDIRIMBO "MURI YESU" YA REVERENCE WORSHIP TEAM
