Iriba Choir ibarizwa mu karere ka Huye muri ADEPR Taba, kuri ubu yiyongereye ku rutonde rw’amakorali azataramira abazitabira "Ibisingizo Live Concert".
"Ntakibasha kurogoya imigambi yawe urakomeye, umubiri wanjye numara kubora nzareba Imana mfite undi mubiri". Iyi ni imwe mu ndirimbo za korali Iriba zafashe icyicaro gihoraho mu mitima y’abakunzi ba Gospel.
Mu muhamagaro wabo harimo kwibuka Imirimo Imana yakoze ku buzima bwabo. Ibi byatumye uyu mutwe w’abaririmbyi uzamura icyubahiro cy’Uwiteka mu ndirimbo igira iti: "Naritegereje ndareba nsanga urakomeye."
Ni korali y’ibihe byose dore ko uhereye igihe cyabo cya mbere cyo kubiba kugeza n’uyu munsi ari abasaruzi beza nk’uko bikomeje kugaragarira mu bitaramo bitabira no mu ndirimbo nshya nka "Mbega Imana" baherutse gushyira kuri cano yabo ya YouTube!!
Ibisingizo Live Concert ni igitaramo cy’amateka cyateguwe na Baraka Choir ibarizwa mu itorero rya ADEPR Nyarugenge. Ni igitaramo cy’Iminsi 2 kizaba hagati ya 04-05/10/2025 mu itorero rya ADEPR Nyarugenge.
Besalel Choir ibarizwa mu itorero rya ADEPR Murambi paroisse ya Gatenga (izwi mu ndirimbo Golgota) izabana na Baraka Choir muri iki gitaramo. Hashize iminsi mike Baraka Choir isohoye indirimbo "Inyabushobozi". Ni indirimbo nziza igaruka ku mbaraga z’Uwiteka ku buzima bwa muntu.
Iyi nkuru ni nziza iryoheye amatwi kuzaba muri iki giterane turi kumwe n’izi korari zivuzwe haruguru ndumva ar’iby’igiciro kdi kutazahaboneka n’igihombo lmana izabidufashemo kdi turashishikariza buri wese kuzagerageza kuhaba murakoze lmana ibahe umugisha kubw’igitekerezo cyiza mwagize mu kwagura ubwami bw’lmana no kunezeza imitima yacu
Ahubwo se ko hatinze kugera !?
Turumva tunyotewe cyane pe !