Mu rwego rwo gukomeza kurwanya ibiyobyabwenge, Itorero Glory to God Temple rifatanyije n’Igicaniro cy’Ububyutse na RIC Kicukiro, bateguye igiterane kigamije gutanga inyigisho zikangurira abantu kwirinda ibiyobyabwenge.
Itorero Glory to God Temple rifatanyije n’Igicaniro cy’Ububyutse hamwe n’Imiryango Ishingiye ku Myemerere (RIC) Kicukiro, bateguye igiterane cyo kurwanya ibiyobyabwenge, kikaba cyaratumiwemo abaramyi n’abavugabutumwa batandukanye.
Iki giterane kizaba ku wa Gatandatu tariki ya 18 Gicurasi 2024, kuva isaa Munani n’igice kugera isaa Kumi n’ebyiri z’umugoroba. Kizabera Mu karere ka Kicukiro ahitwa Kagarama, ku bibanza byo kwa Rujugiro, ahazwi nko mu Rukatsa.
Abaramyi n’abavugabutumwa bazaba bari muri iki gitaramo ni Theo Bosebabireba, afatanyije na True Promises Ministry. Abavugabutumwa barimo Bishop Rutunda, Apotre Serukiza Sosthene na Evangeliste Liliane Mutesi.
Iri Torero riherereye mu Mugi wa Kigali, mu Karere ka Kicukiro, mu Murenge wa Gatenga, rikaba rifite ishami mu Karere ka Muhanga gaherereye mu Ntara y’amajyepfo, no mu Mugi wa Kigali hagati. Ryatangiye mu mwaka wa 2011.
Igicaniro cy’Ububyutse kiyobowe na serukiza Sosthene, akaba ari Umushumba Mukuru w’Amatorero ya Guerrison des Ames.