Maze uhamagare Yesayi ngo aze ku gitambo, nanjye nzakwereka uko uzagenza uzansukire amavuta uwo nzakubwira. Uko ni ko byagenze mu muhango wo kwimika no gusukwaho amavuta Apostle Missionner Emmanuel Uwimana.
Ku wa Gatanu tariki ya 28 Ugushyingo 2025 ku gicamunsi, mu rusengero rwa Faith Center Kanombe ruherereye mu Murenge wa Kanombe mu Karere ka Kicukiro, habereye umuhango wo kwimika no gusukwaho amavuta Apostle Missionner Emmanuel Uwimana, umuyobozi mukuru wa Sauti Hewani Ministries ku mugaragaro.
Uyu muhango wayobowe na Apostle Kamuzinzi Peter, umushumba w’amatorero ya Faith Center ku isi, aho yamusutseho amavuta nk’uko biboneka muri Bibiliya mu gitabo cya 1 Samweli 16:1-13, nk’uko byigishijwe na Pastor Murwanashyaka Wilson wabanjirije uyu musaza mukuru mu bashumba, ufatwa nk’icyitegererezo hano mu itorero, ari we Apostle Kamuzinzi Peter.
Mu bitabiriye uyu muhango harimo abakozi b’Imana batandukanye nka Rev. Vincent Rwibasira, Bishop Ntihabose Jean Baptiste uyoboye Bethasaid Deliverance Church, Pastor Rugamba Erneste na Apostle Rubangura na Missionner Imanirareba Marie n’abandi baturutse imihanda yose.
Pastor Murwanashyaka Wilson wigishije ku muhamagaro wa Dawidi n’uko umukozi w’Imana Samweli yatumwe agategekwa kujya kwimika akoresheje amavuta. Pastor Murwanashyaka Wilson yagize ati: “Uyu munsi turi hano kugira ngo dusohoze ibyahanuwe kuri Emmanuel Uwimana, tugusukaho amavuta.”
Mu magambo yavuzwe arimo kumuha inshingano, yarahiriye kujya kuvuga ubutumwa ku isi yose. Apostle Kamuzinzi yagize ati: “Umu hamagaro wari uwusanganywe kuva ukiri muto, uyu munsi turabihamije ku mugaragaro.”
Apostle Missionner Emmanuel Uwimana we n’umadamu we basutsweho amavuta y’ubutore imbere y’imbaga, biyemeza gufatanya uyu muhamagaro nk’uko bashakanye kandi bakaba bafatanye urunana, biyemeza kuzagera kure hashoboka.
Bimwe mu byaranze uyu muhango ni amakorari yasusurukije abitabiriye, harimo Korari y’icyamamare Sauti Hewani Ministries na Enihakor yo muri Bethisaid Deliverance Church ya Ririma mu Karere ka Bugesera mu Ntara y’Iburasirazuba.
Uyu muhango wanyujijwe imbonankubone kuri channel ya YouTube ya Sauti Hewani Ministries, wakurikirwa n’abakunzi bayo aho baherereye ku isi hose.
Habayeho kandi gushimirwa no gutanga ubuhamya ku miryango ya Apostle Emmanuel n’umufasha we.
Umubyeyi wa Apostle Emmanuel yavuze ko Imana yamutoranije akivuka kuko n’amazina bamwise abihamya. Yagize ati: “Nakwise Emmanuel bivuga ngo ‘Imana iri kumwe natwe’. Nguterura izina Uwimana sinarinzi ko nari mu mwuka.”
Iyimikwa rya Apostle Missionner Uwimana yragenze
Pastor Rugamba Enest na we yari ahari ()
