"Twaramuhawe" ni indimbo nshya uyu muramyi yageneye abakunzi be ikaba iri kuri album nshya. Muri iyi ndirimbo, Bosco Nshutu agira ati "Hahiriwe abamenye umucunguzi wahanuwe bafite amahoro ku Mana data."

Aganira na Paradise, Bosco Nshuti yavuze imvano y’ubu butumwa bukubiye mu ndirimbo nshya "Twaramuhawe". Ati: "Navugaga Yesu ko twamuhawe kandi ko abamumenye bakamwizera bazi ko agira neza niwe ubaha amahoro yuzuye."

Yaboneyeho no kugenera ubutumwa abantu bakibereye mu mwijima bakaba batazi Yesu wavuye mu ijuru akaba ari nawe ubohora ingoyyi z’ibyaha. Ati: "Icyo nababwira ni uko abamufite bafite ubugingo abatamufite nta bugingo bafite bazarimbuka bazize ko yaje ntibamumenye ngo bamwizere abe muri bo ibyiza ni uko bamwakira bakamwizera."

Amajwi y’iyi ndirimbo yatunganyijwe na Boris aho kuri ubu uramutse utanze inkweto ifite talon ndende kuri no 1 mu gutunganya amajwi neza ni we wayihabwa. Ni imwe mu ndirimbo ziteye amabengeza mu buryo bw’amashusho yatunganyirijwe mu nzu nziza ya Moriox Media.

Bosco Nshuti kuri ubu uri ufatwa nk’umwe mu bahanzi batatu bakomeye mu Rwanda akomeje kubaka ibigwi binyuze mu ndirimbo nziza ndetse n’ibitaramo by’amateka akomeje gukorera hirya no hino mu gihugu ndetse no hanze y’u Rwanda.

Mu mwaka wa 2025 Bosco Nshuti yakoreye ibitaramo ku mugabane w’u Burayi mu bitaramo yise "Europe tour 2025". Muri uru rugendo, yataramiye mu bihugu birimo u Bufaransa, Sweden, Germany, Finland, Poland, Denmark n’ibindi.

Umuramyi Bosco Nshuti akomeje kuhesha abakunzi be umugisha

Abatuye muri biriya bihugu bishimiye bikomeye uyu muramyi banahemburwa n’ibihimbano by’umwuka binyuze mu ndirimbo zikubiyemo ubutumwa burrata umusaraba wa Kristo ndetse no gucungurwa kw’abera.

Abajijwe ubutumwa akomeje kwakira buvuye mu mbuto yabibye ku mugabane w’u burayi, yagize ati: "Ubutumwa nkomeje kwakira ni ubunsubiza ikaze hariya dore ko bakomeje kwifuza ko nasubirayo kuko bahembuwe n’indirimbo zanjye."

Uyu muramyi akaba akomeje gutegura album ya gatanu.

RYOHERWA N’INDIRIMBO NSHYA "TWARAMUHAWE" YA BOSCO NSHUTI