Kuri uyu wa Gatandatu tariki 11 Ugushyingo 2023, umuyobozi mukuru w’itorero rya ADEPR mu Rwanda Ndayizeye Isaïe, yashyize ibuye ry’ifatizo ku rusengero rushya rugiye kubakwa.
Inkuru dukesha urukuta rwa X rwa ADEPR yahoze yitwa Twitter, rwatangaje ko uwo mushumba (umuyobozi) mukuru wa ADEPR mu Rwanda yari ari kumwe n’umuyobozi w’Akarere ka Rwamagana.
Hari hari n’abandi bakristo bari bitabiriye iki gikorwa, bari mu kazi ko kubaka. Byagaragaraga ko babyishimiye kuko nk’uko ifoto ibigaragaza bakoranaga umwete kandi bambaye imyenda y’akazi irimo ingofero n’amajire.
Uru rusengero rushya rwashyizweho ibuye ry’ifatizo, ni urusengero rugezweho rugiye kubakwa mu Karere ka Rwamagana mu itorero rya ADEPR Rwikubo.
Igikorwa bakoze cyo gushyira ibuye ry’ifatizo ahagiye kubakwa uru rusengero, ni igikorwa kimenyerewe cyane.
Kuba yari ari kumwe n’umuyobozi w’aka Karere bigaragaza ko koko uru rusengero ruzaba rudasanzwe kuko biragoye ko Meya yajya aho ari ho hose hagiye gushyirwa inyubako nshyashya.
Biteganyijwe ko uru rusengero rushya rugiye kubakwa ruzatwara akayabo k’amafaranga miliyoni 680 z’amafaranga y’u Rwanda. Aya mafaranga ni menshi cyane kuko arenze kimwe cya kabiri cya miliyari.
Kubera uburyo ruzaba rwubatswemo ndetse n’ubunini bwarwo budasanzwe, biteganyijwe ko ruzajya rwakira abantu ibihumbi bibiri.
Ibikorwa byo kurwubaka bizamara igihe kigeze ku mezi agera kuri cumi n’umunani ni ukuvuga mu gihe cy’umwaka n’igice.
Ubu umwaka uracyari uwa 2023. Uru rusengero nirwuzura mu gihe cyateganyijwe ruzuzura mu mwaka wa 2025 mu ntangiriro.
Ibi byose, itorero rya ADEPR mu Rwanda ribishimira ubwitange bw’abakristo babo bitanga batizigamye kugira ngo bagire aho gusengera hahesha Uwiteka icyubahiro.
Uru rusengero rwa ADEPR Rwikubo ruzuzura rutwaye miliyoni 680 Frw
