Ni irushanwa ryahuzaga abanyempano mu kuririmba, Kubwiriza ijambo ry’Imana ndetse hakaba harabaye irushanwa mu mupira w’amaguru no kuvuga imivugo n’ubusizi aho umuririmbyi witwa Daniel yabaye uwa 1.

Kuri iki cyumweru hakaba harushanwaga abatsinze irushanwa riheruka ryabaye kuwa 18/12/2023 ndetse hanatangwa n’ibihembo ku makipe abiri yageze ku mukino wa nyuma.

Ahagana muma saa kumi n’imwe, Abagize Akanama nkemurampaka babanje guhamagara abavugabutumwa babanje guhabwa nimero.

Uwahamagawe bwa 1 akaba ari Komezusenge Martin waturutse mur Paroisse ya Remera umuvugabutumwa warushanyijwe mu kubwiriza ijambo ry’Imana ndetse no kuririmba.
Yigishije ijambo riri muri Yesaya 9:5 rigira riti:

"Nuko umwana yatuvukiye duhawe umwana w’umuhungu, ubutware buzaba ku bitugu bye. Azitwa Igitangaza, umujyanama, Imana ikomeye, Data wa twese Uhoraho, Umwami w’amahoro".

Hakurikiyeho Bongwa Alphonse wigishije ijambo riboneka muri 1 Abami 5:1
Aho yigishije Inkingi 7 zubaka urufatiro rw’ubwami bw’Imana.

Hakurikiyeho Gakuru David wabwirije ijambo riboneka muri Yohana 8:12. Ni ijambo yahaye intego yitwa "Umucyo nyakuri".

Umuvugabutumwa wakurikiyeho ni Marius Gikundiro usengera muri ADEPR wigishije Imbaraga zo kwizera zihesha umukristo gukora ibyo Imana ishaka: Yifashishije ijambo riboneka muei Abaheburayo 11:33-37.

Yakurikiwe na Thadee Ntivuguruzwa nawe waturutse mu itorero rya ADEPR wigishije ati: "Icyo yanditse yaracyanditse". Yifashishije umusaraba nk’imfashanyigisho. Ni umwe mu bantu bakomewe amashyi kuko babwirije abantu buzura Umwuka wera.

Saa 17h15 ni bwo ku ruhimbi hatangiye amarushanwa yo kuririmba no gukina Theathre. Saa 17H:40 ni bwo abaririmbyi bahamagawe ku ruhimbi. Bahawe amabwiriza agira ati "Buri muririmbyi agombaga kuririmba indirimbo 2, imwe ikaba iye".

Babanje kwakira Komezusenge Martin wanabwirije ubutumwa bwiza. Yahereye ku ndirimbo y’igiswahiri, akomereza ku ndirimbo ye yitwa "Zaburi" yaturutse ku mvano yo kumwita Komezusenge. Yavuze ko byaturutse ku buryo yigeze kubanza gupfa.

Hakurikiyeho umuririmbyi witwa Aimable Tuyizere akurikirwa na Boofet. Nyuma yo kuririmba kwa Boofet humvikanye amajwi menshi avuga ati "Ni wowe! ni wowe!!" Umwe mu bagize akanama nkemurampaka yasabye abafana bari bazamuye amajwi cyane gutuza.

Yaririmbaga indirimbo ivuga ngo Mwami wanjye umfate ukuboko akurikizaho
Indirimbo yitwa My God. Hakurikiyeho Joseph Muhize wari uherekejwe n’abashumba bo mu itorerero asengeramo. Yahise aririmba Sooner Very Sooner.

Wabonaga ko byahinduye isura abantu bose abashyira mu yindi mood, abashyira mu bicu. nk’uko asanzwe. Yabwiye abitabiriye uyu muhango gukoresha impano bahawe.

DJ Spin umu DJ wa 1 muri Gospel nyarwanda wari witabiriye ibi birori yahise ahamagarwa ku ruhimbi. Yahise yakira itsinda ryaturutse i Burundi. Ni itsinda ry’abasore bane, riyobowe na Uwamahoro Derrick. Bari bambaye inyenyeri ku mutwe, bahita bashyira za Nyenyeri hasi barabyina. Babyinnye indirimbo zitandukanye mu buryo bumeze nka Comedy.

DJ Spin yavuze ko buri muntu wese agomba gukoresha neza impano Imana yamuhaye. Bahise bakira umuririmbyi wa 4, umukobwa witwa Vanessa Uwase. Nawe yari yaherekejwe na Papa we akaba n’umushumba w’itorero asengeramo.

Abantu bose bakomezaga gusakuza bati turashaka Vestine. Gusa bahamagawe nimero 6 ariwe Uwase Josiane, nawe akaba yaraherekejwe n’abashumba b’itorero asengeramo.

Uyu mudamu yari afite abaririmbyi benshi 8, batatu bambaye umukara hasi ndetse n’amashati y’umutuku, bati ni Umugabo nanjye ndamwemera. Abandi 5 bari bambaye amashati y’umweru n’ipantaro z’umukara.

Ba bandi 5 bahise basubira mu byicaro, hasigara abambaye amashati y’umutuku bamufasha kuririmba indirimbo "Arampagije". Ni umwe mu bantu bishimiwe cyane n’abafana bitewe no kuririmba neza. N’abagize akanama nkemurampaka babimubwiye.

Hakurikiyeho Muhoza Pacifique, watangiriye ku ndirimbo My God is Good. Yari ari kumwe n’ababyinnyi bambaye amakanzu maremare y’ubururu na Orange. Abantu bose bati Paci Paci, dore ko asanzwe asengera aho irushanwa ryaberaga (Zion Temple Kabuga).

Yahise aririmba indirimbo ye yise Intsinzi ya Yesu, afatanyije na ba bakobwa batatu bambaye amakanzu y’ubururu na Orange.

Saa mbiri zuzuye ni bwo hahamagawe Vestine Umunyana, wari ufite abafana benshi cyane. Yagize ati: "Bwira mugenzi wawe ngo Yesu aragukunda". Yaririmbye ati ni Umugabo nanjye ndamwemera". Ni umwe mu basekeje imbaga bitewe n’uburyo yasigaga ibyuma.

Yahise aririmba indirimbo ye yise "Yesu we!" Umwe mu bagiye akanama nkemurampaka yahise asaba Vestine kubaririmbira Akapera nta byuma. Abafana bose bahise basakuriza rimwe bati "Yesu we", basubiramo ya ndirimbo.

Yahise asaba umuntu umenyereye Social media kuza imbare. Habonetse umukobwa aza imbere yemera kumukorera YouTube channel. Hakurikiyeho Espoir Niyibigira.

Saa 8h35 ni bwo umushumba wa Zion Temple Kabuga yahamagawe ku ruhimbi kugira ngo aze gutanga ibikombe. Bahembye n’amakipe yatwaye ibikombe, aho igikombe cyatwawe na Harvest yatsinze Methodiste.

Ikipe yatwaye igikombe yashyikirijwe ibahasha y’ibihumbi 150 frw inahabwa imidari n’igikombe. Iya kabiri (Methedost) yahawe ibihumbi 50 Frw, igikombe n’imidari.

Uko abavugabutumwa bakurikiranye

Ntivuguruzwa Thadee yabaye uwa 5
Gakuru David yabaye uwa 4
Darius yabaye uwa 3
Martin yabaye uwa 2
Bingwa Alphonse niwe wegukanye igihembo ashyikirizwa envelope y’ibihumbi ijana ndetse n’igikombe.

Nyuma yo guhemba Bingwa Alphonse, amaso yose yari ahanzwe abaririmbyi. Abaririmbyi uko ari 8 bahamagawe ku ruhimbi bamenyeshwa ko ku cyumweru bazajya gukora interview kuri RBA, ikizakurikira bazajya kuri Authentic Tv gukora ibiganiro. Pastor Kamasa Umuyobozi wa Ligue ni we watanze ibi bihembo.

Tubibutse ko umuririmbyi wa 1 azakorerwa indirimbo y’amashusho akaba yashyikirijwe na Envelope y’amafaranga ibihumbi 100. Uwa 2 azakorerwa indirimbo ya Audio anahabwa amafaranga ibihumbi mirongo itanu. Uwa 3 azakorerwa indirimbo ya Audio.

Uko abaririmbyi 8 bageze Final bakurikiranye:

8.Martin
7.Vanessa
6.Pacifique
5.Espoir
4.Vestine wanahembwe nka (Best Entertainer cg uwashimishije abantu) yagenewe n’umudari
3.Uwase Josiane
2.Aimable
1.Muhire (Niwe wegukanye igikombe anashyikirizwa ibahasha y’amafaranga ibihumbi 150 Frw.

Umuhanzi wahize abandi

Uyu musaza Daniel yatway igihembo cy’umusizi mwiza

Bingwa Alphonse niwe watwaye igihembo cy’umuvugabutumwa mwiza

Itsinda ryitwa Inyenyeri ry’i Burundi ryashimishij abitabiriye ibi birori

Kizigenza Dj Spin niwe wavangavangaga imiziki

Zion Temple Kabuga irashimirwa cyane kubera irushanwa itegura rya Gospel Talent Competition