× Home Ministries Choirs Pastors Bible Entertainment Development Health Love Fashion Music

Waba warize cyangwa utarize, dore ibintu 13 byakwereka ko uri umunyabwenge

Category: Words of Wisdom  »  3 months ago »  Jean d’Amour Habiyakare

Waba warize cyangwa utarize, dore ibintu 13 byakwereka ko uri umunyabwenge

Umuntu avugwaho ko azi ubwenge iyo akemura ibibazo kandi abana neza n’abandi. Paradise yibanze ku byakwerekako uzi ubwenge budasanzwe n’ubwo waba utazi uko kwicara mu ishuri bimera.

1) Niba ugira impuhwe uri umunyabwenge. Kugira impuhwe ni ukwiyumvisha agahinda k’undi muntu, ukaba wanarizwa n’ibibazo bye, ukumva wagira icyo umufasha nubwo waba utabishoboye, waba ubishoboye ukabikora.

Byerekana ubwenge kuko abandi bo batameze batyo. Kugira impuhwe bituma wishima muri wowe, ukababara, ukagira ubwoba, ubitewe n’ibyo ubonye ku bandi.

2) Ushobora kumara umwanya munini uri wenyine kandi ukumva bigushimishije. Psychology Today ivuga ko bidakwiriye ko uhorana n’inshuti zawe ibihe byose, ahubwo ugomba kumara igihe uri wenyine, witekerezaho. Niba ugira umwanya wo kuba uri wenyine, uri umunyabwenge.

3) Ufite amahame ugenderaho kandi biragoye gupfa kuyahindura. Ese ugira indangagaciro wenda nk’izo kutabeshywa, gusakurizwa, gukerezwa n’ibindi?

4) Buri gihe uba ushaka kumenya byinshi kandi bishya. Ese ujya ugerageza kumenya ibintu byinshi, ugacukumbura, kugira ngo ugire ikintu gishya wunguka? Niba ugerageza kwitegereza, ukagira amatsiko yo kumenya ikihishe inyuma y’ibintu, uzi ubwenge.

5) Ntujya upfa kwibagirwa ibyo wabonye, wumvise! Biragorana ko wibagirwa umuntu cyangwa ibintu wabonye. Ibi bigendana no kudasinzira mu modoka, kuko uba ushaka kureba.

6) Umubiri ukorana n’ubwonko. Aha bivuze ko ufata vuba ibintu byananiye abandi, urugero nko mu myitozo ngororamubiri.

7) Ushobora gukemura ibibazo mu buryo bworoshye. Ushobora kwiyakira, ntufate ibintu nk’ibyacitse nubwo byaba bikomeye cyane. Bigendanye no kudacika intege mu gihe utengushywe cyangwa uhombye. Niba wiyakira vuba (bitavuze ko utababara), uzi ubwenge.

8) Ubana amahoro n’abandi kandi ukabungabunga amahoro. Guturisha amakimbirane, ukamenya amagambo wakoresha usaba abantu kureka gutongana, ukamenya gusubiza neza ugututse, bigaragaza ko uzi ubwenge.

9) Urahangayika ariko ntutakaze amahoro cyane. Guhangayika, Psychology Today ivuga ko ari ugutekereza ku bintu byagenze n’abi, ahanini utekereza ku ngaruka biri kugira cyangwa bishobora kugira.

Guhangayika bigaragaza ko uzi ubwenge kuko bishobora no guturuka ku gutekereza ko hashobora kuvuka ibibazo, ukaba wategura uko ubyirinda. Wari uzi ko umuntu uhangayikishwa na twa tuntu wita duto, ari umunyabwenge?

Gusa aba umunyabwenge iyo bitamusaza. Umuntu uzi bike ahangayikishwa na bike, uzi byinshi agahangayikishwa na byinshi. Hano utekereze nko ku muntu wumva amakuru y’intambara n’utayumva, cyane iyo ari ayo mu bihugu baturanye.

10) Uzi kugenzura amarangamutima yawe yose. Umuntu agira amarangamutima y’ibyishimo, ay’agahinda, uburakari n’ibindi. Yirinda gukora ikibi kubera amarangamutima, ha handi usanga umuntu arakaye, wamusaba serivise akayikora.

11) Wumwa byinshi ukavuga bike. Abantu barangwa no kuvuga cyane kuruta uko bumva, bakavuga ibyababayeho n’ibindi. Wowe niba utega amatwi ibyo abandi bavuga, ukababaza ibibazo, ukavuga aho biri ngombwa kandi mu magambo meza, uri umunyabwenge.

12) Korora. Kugira itungo worora, witaho, bigaragaza ko uzi ubwenge. Iyo ubasha kugirira itungo impuhwe, ukamenya ko rishonje, ukaryitaho n’ibindi urikorera byerekana urukundo, bigaragaza ko ufite ubwenge buhambaye.

13) Ushishikazwa no kumenya ibyo abandi bavuga kuri wowe. Ubwo ugira amatsiko. Niba urangije iyi nkuru ya Paradise, uzi ubwenge.

Kureba aya mafoto ukayatindaho, na byo bigaragaza ko uzi ubwenge

Tanga igitekerezo kuri iyi nkuru

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.