Uzamukunda Goreth usigaye atuye mu gihugu cya Kenya mu Mujyi wa Nairobi, yaganiriye na Paradise.rw, avuga ko yamaze gushyira hanze ibihangano bishya bikubiye kuri Album ye ya 4 yitwa "Asikubali" yitiriye indirimbo ye ikunzwe cyane.

Yagize ati "Maze gusohora ibihangano byinshi birimo nk’indirimbo iri mu rurimi rw’igiswahili kuko turi muri EAC ivuga urwo rurimi mfitemo abakunzi benshi b’ibihangano byanjye. Ntabwo nigeze ndeka umuziki wa Gospel, ibyo mwita kuzima."

Umuhanzikazi Gogo abajijwe ku byo gufatanya n’abandi bahanzi bubatse izina muri EAC mu cyitwa Collabo, yagize ati "Nibyo ubu mfite urugendo rwerekeza mu mujyi wa Dar-Salama mu gihugu cya Tanzania gukorana indirimbo n’umuhanzi uzwi w’icyamamare witwa Bonny Mwayitege".

Gogo ukorana na Kabano Production Studio, yakomeje avuga ko iyi ndirimbo ye na Bonny Mwayitege, bazayikorana bigizwemo uruhare na Musalaba Media Company itunganya umuziki mu gihugu cya Tanzania.

Ibihangano bya Gogo biri kuri shene ye ya YouTube yitwa Goreth Uzamukunda Official