Mukamunana Josephine utuye mu Karere ka Nyamasheke, Umurenge wa Gihombo, Akagari Jarama, Umudugudu wa Ruvumbu, arasaba umugira neza wese kumufasha akavuza umwana we Izabayo Solange ufite imyaka 22 warwaye uburwayi bwayoberanye.
Aganira numunyamakuru wa Paradise.rw n’ikiniga cyinshi, Mukamunana Josephine yagize ati: "Ubu tuvugana ndi mu bitaro bya Gisenyi aho ndi kuvuza umwana wanjye nabuze amafranga yo kwishyura imbangukira gutabara ngo tujye mu bitaro bya Butaro".
Abajijwe uko uyu Izabayo Solange yafashwe yagize ati: "Uburwayi bumufashe hashize umwaka n’igice, akaguru karabyibye tujya kumuvuza mu bitaro byo kuri Ngoma ku Kibuye, batubwira kugura ibinini bitandatu kimwe kigurwa 1000 Frw biba iby’ubusa."
Yadutangarije ko bamwohereje mu bitaro bya Gihundwe naho biranga kubera inzira y’umusaraba yarimo byatumye ajya ku Nyundo naho bamwohereza i Rubavu ku bitaro byaho.
Mukamunana aratakambira abagiraneza kumufasha kuvuza umukobwa we kugira abone ubuvuzi. Ubaye ufite umutima w’impuhwe wifuza kumufasha, wakoresha telefone ye imubaruyeho ariyo 0787788554.
Solange w’imyaka 22 arababaye cyane
Uburwayi bwe bwarayoreranye, akeneye ubuvuzi bwisumbuyeho
Mukamunana Josephine aratabariza umwana we warwaye uburwayi bwayoberanye
