Nyuma y’igitaramo "One Spirit live recording" cyabaye kuwa 29/12/2024, Serge Iyamuremye yinjiye mu mwaka wa 2025 neza aha abakunzi be indirimbo "Umwaka wose".
Ni indirimbo yasamiwe hejuru nk’insenene dore ko umunsi umwe gusa yari imaze kurebwa n’abarenga Ibihumbi 40. Muri iyi ndirimbo, Serge agira ati: "Uri Imana ikomeye, isi yose igushime, uyu munsi turazamura ishimwe ryawe ku bakwizera."
"Na miliamu yarakuririmbye, na Dawidi yaragutambiye, najye Mana nzahora ngutambira kuko uri Imana yo kwizerwa." Ni indirimbo yakozwe na Kayitare.
Iyi ndirimbo isohotse nyuma y’indirimbo "Saa cyenda" imaze amezi atatu isohotse mu buryo bw’amashusho ndetse na "Mwokozi wetu" imaze amezi 6 ku rubuga rwa YouTube.
Mu kiganiro na Paradise ubwo yari mu myiteguro y’igitaramo "One Spirit live recording concert", Serge Iyamuremye yavuze ko uyu mwaka wa 2025 azanye imbaraga zidasanzwe akaba abikiye abakunzi be ibihimbano by’umwuka byinshi.
Ryoherwa n’iyi ndirimbo ikusanyirijemo amashimwe yose yo mu mwaka wa 2024.
