Umuramyi Jado Sinza yatangaje ko yamenyaniye na Zoravo kuri Instagram avuga ko yatunguwe n’umutima mwiza yamusanganye. Iki kiganiro n’itangazamakuru cyabaye kuri uyu wa 12/03/2024.

Cyitabiriwe n’abanyamakuru baturutse mu n’itangazamakuru batandukanye aho baganiriye na Jado Sinza ndetse n’ikipe ishinzwe kumufasha gutegura igitaramo cyiswe Redemption Live concert giteganyijwe kuri iki cyumweru tariki ya 17/03/2024 mu ihema rya Camp Kigali.

Kitabiriwe na Niyomugabo Manager muri La Mane, Umunya Tanzania Zoravo ndetse na Esther Umulisa nawe akaba umwe mu bagize equipe ngari irimo gutegura iki gitaramo. Muri iki kiganiro cyaberaga muri Dove Hotel cyatangiye ahagana saa 6:48, Jado Sinza yikije kuri iyi concert ye.

Yavuze ko amaze igihe kitari gitoya afite ishimwe kubwo gucungurwa nk’umwana w’umuntu nk’uko Ijambo ry’Imana rivuga ko Yesu yabonyeko kubana n’Imana atari ibintu byo kugundirwa yemera gupfa kugira ngo aze yo more imvune zo mu mutima.

Yavuze ko ku musaraba wa Yesu Kristo ariho twaboneye ubu buzima. Yavuze ko azakomeza gukora concert zivuga ku gucungurwa kugira ngo asakaze inkuru nziza ku bataragize amahirwe yo kumenyeshwa inkuru yo gucungurwa.

Zoravo yakomeje avuga ko Mama we yatangiye kumujyana no kumukundisha Imana akiri mutoya. Yavuze ko ari Ubuntu bw’Imana n’urukundo rwa Kristo kuba ubwabyo ari mu Rwanda akaba umwe mu bazaririmba mu gitaramo cyiswe "Redemption Concert".

Abajijwe ku muziki wa Gospel mu gihugu cya Tanzania yavuze ko abantu bakunda ubutumwa bwiza, ikindi yavuze ko mu buryo bw’Umwuka n’ubwa tekiniki uri hejuru cyane.

Yavuze ko yishimiye gutumirwa mu Rwanda akaba ari Ubuntu yagiriwe n’Imana ndetse avuga ko byamukoze ku mutima dore ko ari ubwa 1 ageze mu Rwanda.

Jado Sinza yavuze ko akora igitaramo agendeye ku ijambo ry’Imana bigaherekezwa na Mwuka Wera. Yavuze ko yatangiye umuziki akiri mutoya aho kuva mu 2017 yarimo kwiga ijambo ry’Imana n’umuziki anakuza Umwuka Wera.

Yavuze ko nyuma yo kwitoza ageze igihe cyo gutanga ijambo ry’Imana avuga ko kuri ubu imyandikire ye ishingiye ku ijambo ry’Imana yazamutse anavuga ko n’imicurangire yazamutse. Yanavuze ko ateganya gukorana na Zoravo remix y’indirimbo "Ndategereje."

Zoravo yavuze ko muri Gospel gukorana bituma ubwami bw’Imana bwaguka, gusa yongeraho ko bisaba ubushobozi bwo mu rwego rwo hejuru.

Kuri uyu wa Gatatu, Zoravo yasuye urwibutso rwa Jenoside yakorewe Abatutsi ruri ku Gisozi, yunamira inzirakarengane ziharuhukiye. Amakuru Paradise ifite aravuga ko uyu muramyi ateganya guteranira mu itorero rya Zion Temple Celebration mbere y’igitaramo cya Jado.

Amatike ashobora gushira imburagihe!!

Jado Sinza yavuze ko yamenye Zoravo biturutse ku ndirimbo "Ameniona" avuga ko yanyuze ubugingo bwe. Yavuze ko yanyuzwe n’imiririmbire ye.Ikindi yavuzeko yanyuzwe n’Umwuka w’Imana uri muri we.

Yavuze ko we na Zoravo bamenyaniye kuri Instagram. Gusa yavuze ko nyuma yo kumwemerera kwitabira iki gitaramo, yagize umutima uhagaze ubwo we n’ikipe yari yagiye kumwakira ku kibuga cy’indege agatinda kuhagera.

Yavuze ko uwitwa Emmy Ikinege yamukuye umutima ubwo yamubwiraga ko hari abandi bahanzi bajya gutegereza amaso agahera mu kirere.

Tubibutse ko iki gitaramo cyiswe Redemption Live Concert giteganyijwe kuwa 17/03/2024 kikazahuza Jado Sinza, Bosco Nshuti, Zoravo ndetse na True Promise. Wagura itike yawe hakiri kare kugira ngo utazabwirwa iby’iki gitaramo.

Zoravo agiye gutaramira bwa mbere mu Rwanda

Jado Sinza agiye gukora igitaramo cy’amateka

Amatike ashobora gushira imburagihe!