Aba baramyi bamaze iminsi bari kwibanda ku ndirimbo zo mu rurimi rwi’igiswayire dore ko ruri mu ndimi ziri gukoreshwa cyane muri Gospel nyarwanda. Mu bahanzi bamaze kuzikoreresha harimo nka Israel Mbonye, Bosco Nshuti, Jado Sinza na Aline Gahongayire.

Nyuma y’uko uyu muryango w’abaramyi usohoye "Haifai kuyasumbukia", kuri ubu bagarutse mu ndirimbo yitwa "Waliaminio neno lake Mungu". Ni nyuma y’iminsi micye bavuye gushyigikira Jado Sinza mu gitaramo yise Redemption Live Concert cyo kuwa 17 Werurwe.

Muri Waliaminio neno lake Mungu, Papi Clever na Dorcas baragira bati:"
Waliaminio neno lake Mungu
watapata nguvu kuwa washindaji
kwani Bwana Yesu alituahidi
atathibitisha neno kwa ishara

Shinda, shinda, nguvu ya kushinda!
Shinda, shinda, shinda kila saa!
Mungu atatupa nguvu ya kushinda,
Tumtii Yesu nasi tutashinda!

Kati’ vita kali tuwe na ‘hodari,
Mungu ndie nguvu yetu ya ajabu!
Tu’amini neno: Na ishara kubwa
ziatafuatana na waaminio.

Nguvu ya kupiga vita ya imani,
nguvu ya kupinga hila za shetani!
Yesu amesema: Na ishara kubwa
zitafuatana na waaminio.

Kuri wa 5 Gashyantare 2024 Victors band bari bafatanije n’uyu muryango wiyeguriye lmana mu kuyikorera. Ni abahanzi bakunzwe cyane kandi baririmba neza imitima y’abantu igahembuka. SI ibyo gusa kuko Papi Clever azakorana indirimbo na Victors band.

Papi Clever na Dorcas bari mu bahanzi bakumbuwe muri Kaminuza nkuru y’u Rwanda mu ishami rya Huye. Bamaze gukora indirimbo nyinshi ziri mu rurimi rwi’igiswayire harimo n’iyi nshya bise "Waliaminio neno lake Mungu".