Rero ibihe biri imbere byo, uratekereza inyigisho zizaba ziganza ari izihe? Niba utigeze ubitekerezaho, igihe n’iki. Ni iki kizakurinda wowe n’abawe inyigisho z’ubuyobe zirikwuzura isi?

Ubwirize abantu ijambo ry’Imana ugire umwete mu gihe kigukwiriye no mu kitagukwiriye, uhane, uteshe, uhugure ufite kwihangana kose no kwigisha, kuko igihe kizaza batazihanganira inyigisho nzima, ahubwo kuko amatwi yabo azaba abarya yifuza kumva ibibanezeza, bazigwiriza abigisha bahuje n’irari ryabo, (2 Timoteyo 4:2;3)

Uyu ni Pawulo waburiraga Timoteo, ati uko bigushobokeye kose, mu bihe byiza na bibi uvuge Imana, kuko ubuyobe buraje.

Ibyo bihe twagezemo. Inyigisho z’ubuyobe zirikugwira, kandi abantu bifuza kwumva ibibaryoheye kuruta ibibacyebura. Niyo mpamvu benshi baryoherwa n’indirimbo, byagera mu jambo ngo batinze, ngo yanditse byinshi, ngo yigisha nabi...

Pawulo ati tabara, burira abantu, uhane, uteshe, uhugure kandi ubikoranye ubwitonzi. Kuko abantu ntibakunda ababasunika, bakunda ibijyanye n’ibyo bakunda.

Uyu munsi ndakuburiye gusuzuma ibyo ukunda kwumva, niba bitaguhindura kurushaho kwegera Imana, byaba birikurushaho kukujyana kure yayo. Uzashiduka ntagaruriro.

Ahubwo reka ubuzima bwawe buvuge ubutumwa bwa Kristo, kuko uzaba utari kubyira abandi gusa, ahubwo uzaba urimo no kwibyiriza, amaherezo uzayobirwa n’ibyo uvuga.

Ntuzagire isoni yo kuvuga Imana, uzaba utanga umusanzu wawe m’ukwubaka iyi si, gusenya imirimo ya satani, ukora umurimo unezeza Imana, cyane cyane wishinganisha wowe n’abawe mu maraso Yesu. Wabuvuga mu migani, mu bikorwa cyangwa mu nyandiko, nk’uko mbikoze, ariko burira abantu hakibona.

Shalom