Mu mwaka ushize ku wa 10 Ukuboza 2023 Umuryango wa CEP UR Nyarugenge wari wateguye igiterane gikomeye cyiswe "Intwarane Live Concert".

Ni igiterane ngarukamwaka cyateguwe n’ihuriro ry’abanyeshuri basengera mu Itorero ADEPR biga muri Kaminuza y’u Rwanda ishami rya Nyarugenge (CEP-UR Nyarugenge),

Muri iyi Kaminuza ya Nyarugenge niho habarizwa korali Nazir. Nazir choir kuri uyu wa 31 Ukuboza 2023 bakoreye ivugabutumwa kuri ADEPR Nyakabanda (Kicukiro shell) mu giterane cyo gusoza umwaka, cyatangiye saa saba z’amanywa kugeza saa moya z’umugoroba.

Ni mu ntego igira iti: "Mwinjire mu marembo ye mushima, no mu bikari bye muhimbaza, mumushime, musingize izina rye. Kuko Uwiteka ari mwiza, 107.1; 118.1; 136.1; Yer 33.11 Imbabazi ze zihoraho iteka ryose, umurava we uhoraho ibihe byose (Zaburi 100:4-5).

Mu giterane iherutse kwitabira cya CEP cyabereye ku rusengero rwa ADEPR Nyarugenge, hari amakorari yose yo muri CEP-UR Nyarugenge ariyo Nazir Choir, Gilgal choir ndetse na Elim Praise and Worship team.

Si ibyo gusa hari n’amakorali y’abashyitsi nka HYSSOP choir yo kuri ADEPR Kiruhura na Baraka Choir yo kuri ADEPR Nyarugenge.

Ku wa 01 Mutarama 2024 Nazir Choir ni bwo yasohoye indirimbo nshya bise "Nshimishijwe" ni indirimbo nziza cyane yuzuye amashimwe ikaba yagiye hanze kuri iyi tariki ya mbere y’umwaka.

RYOHERWA N’INDIRIMBO YA KORALI NAZIR YA CEP UR NYARUGENGE