Mu gihe u Rwanda rwibuka ku nshuro ya 30 abazize Jenoside yakorewe Abatutsi mu mwaka 1994, abanyarwanda n’inshuti z’u Rwanda ku Isi yose, bifatanyije n’u Rwanda mu kwibuka abazize Jenoside yakorewe Abatutsi.

Ni nako korali Elayo ikorera umurimo w’Imana muri CEP UR HUYE nk’urubyiruko imbaraga z’igihugu biyemeje gutanga ihumure ku banyarwanda babuze ababo ndetse no kubakomeza mu magambo y’ihumure yururutsa imitima banyujije mu ndirimbo bise "Banyarwanda".

Batangira bagira bati: "Ni mwumve Banyarwanda, Iyeeee Banyarwanda,
Ngir‟icyo mbabwira, Iyeeee eee eeee
Kibahumurize, kibahumurize eee
Kibamare intimba. Dore twahuye na byinshi, Dushavuzwa na byinshi.
Tunanizwa na byinshi, Tubabazwa na byinshi. Ariko humura Imana yakurinzeeee ee
Iracyagukunda

Bikiriza bavuga bati : "Iyeeeeeee, Iyeeeeeee, Iyeeeeeee
Mana twibuke uduh‟ ubuzima bushya aa
Iyeeeeeee, Iyeeeeeee, Iyeeeeeee eeee eee Mana twibuke uduh‟ ubuzima bushya (Iyeee)

Bati: Ibuka bya bihe, wabonaga birangiye,
Imana iragutabara, isa naho ikuzuye.
Ni ukuri iyo Mana yakoze ibyo,
Iracyakuragiyeee, Humura
Ni umubyeyi w‟impfubyi, ni umugabo w‟abapfakazi Biranashoboka ko warara urira, Ariko mugitondo karekareee
Impundu zikavuga.

Maze bagasoza bagira bati :" Haracyari ibyiringiro, Ko igiti cyatemwa, Ariko kikongera kigashibuka. Kandi kugeraaa kure siko gupfaaa, Hari Uwakuremyee humura, ntuzapfa uzarama. Nimuze, dusenyere satani, dusabe Imana iduhe ibyiringiro byo kongera kubaho".

Korali Elayo ni umuryango w’abaririmbyi wavutse ku wa 01 Ukuboza 2001. lkaba ari korali igizwe n’abaririmbyi bakiri ku ntebe y’ishuri (Current Elayo) n’abandi basoje amasomo yabo (Le POST CEPIE ELAYO). Guhera muri 2001 Korali Elayo yakomeje kwaguka kugeza n’ubu.

SI ibyo gusa kandi ku itariki 09 Werurwe nibwo korali Elayo yakoze alubumu ya Kane bise. "NTAKIYINANIRA" akaba ari alubumu igizwe n’indirimbo zikurikira:
1. Isi nshya
2. Tunejejwe n’Imana
3. Ikidendezi
4. Turi abarame
5. Ntakiyinanira

Ni igikorwa cyabereye kuri Zion Temple ya Huye.