Ni ikiganiro cyanyuze Itangazamakuru kubera ubusobanuro aba bashumba batanze. Aba bashumba batangaje ko itoero bashumbye ryatangiye kuwa 13 Kanama 2008, rikaba rifite iyerwekwa ryo "Kubona abantu baba mu mudendezo ku bw’umwaka w’imbabazi z’Imana ahavuye izina yubile (Jubilee)".

Ni ukuvuga ko rishishikajwe no kugeza ubutumwa bwiza bwa Yubile ku Isi yose "Blowing the trumpet of freedom" (Abalewi 25:8). Nk’uko byatangajwe n’abashumba.

Atangira gusobanura iby’urugendo bakoze, Pastor Stanley Kabanda yavuze ko bifuza gutaha ku mugaragaro urusengero rwabo rwa Jubilee Revival Assembly. Yagize ati: "Nyuma y’ibihe bikakaye by’ubutayu, Imana idukijije ibihe bikomeye by’ubukode, iyi ni intambwe Imana iduteje, yaduhaye urusengero kandi turashaka kurutaha".

Akomeza agira ati "Ni cyo cyatumye dutegura uko kwizihiza imyaka 14 tumaze dukora uyu murimo, kandi tukazaboneraho umwanya wo gushima Imana ku myaka 19 dukoze umuryango".

Ku rundi ruhare Pastor Julienne we ati "Ntimushobora kumva uburyo nishimiye iyi ’achievement’ no kuba tugiye gukomereza umurimo w’Imana mu nyubako twasengeye igihe kirekire. Imana yari yaratubwiye ko izaduha inyubako ihagaze ni na ko byagenze".

Pastor Stanly & Julienne barizihiza imyaka 19 bamaze babana

Muri ’Jubilee Revival Assembly Celebrating 14 years Celebration’, Itorero Jubilee ryatumiye abatunirwa batandukanye harimo n’uwo bise inshuti yahagararanye nabo muri ibi bikorwa, uwo akaba Pastor Richard Pillah uzaturuka muri Afrika y’Epfo.

Hazaba hari n’abaramyi batandukanye barimo amatsinda nka Alarm Ministries, Gisubizo Ministries na Grace Room Worship Team, James & Daniella, Ben & Chance, Rene & Tracy na JRA worship Team ikorera umurimo w’Imana mu Itorero Jubilee Revival Assembly.

Iki giterane kizajya gitangira saa kumi n’imwe z’umugoroba mu minsi y’imibyizi naho kuwa Gatandatu tariki ya 12, kizatangira saa cyenda z’amanywa. Kizabera Nyarugunga/Kanombe mu Mujyi wa Kigali.

Jubilee Revival Assembly yateguye igiterane cy’amateka

REBA IKIGANRO PASTOR STANLY & JULIENNE BAGIRANYE N’ITANGAZAMAKURU