Ku wa 25 Gashyantare 2026, umuhanga mu bijyanye no kwita ku ruhu no mu myitwarire ya muntu, Hope Bella, yasohoye ikiganiro gishya kuri channel ye, agaruka ku kamaro ko kwikunda no kwigirira icyizere.
Muri iki kiganiro, Hope Bella usanzwe ari umuhanzikazi mu muziki wa Gospel akaba atuye mu Bufaransa, yasobanuye ko kwikunda ari intambwe ya mbere yo kugira icyizere ku buzima bwawe no kubaho ubwawe, aho kutigirira icyizere bituma umuntu ahora ashaka ko abandi bamukunda, batamukunda akabaho ababaye.
Yagaragaje ko kwikunda atari ubwibone, ahubwo ko ari ukwiha urukundo no kwemera uwo uri we, ndetse no kumenya ko buri wese afite ibyiza n’ibibi bye. Umuntu utigiriye icyizere ntaba ashobora gukunda abandi koko, kuko urukundo ruturuka ku byo wiyumvamo.
Kwikunda bifasha umuntu kwirinda guhora atekereza ku ko abandi bamureba cyangwa ku byo bamukosoraho we akunda, ahubwo agaharanira kubaho ubuzima bwe mu buryo bwiza.
Yagize ati: “Abantu bikunda, babaho ubuzima bwabo aho kubaho mu buzima bw’abandi, ubwo bashaka ko ubaho. Hari igihe umuntu akora ikintu, umuntu yakinenga akumva ko yakoze ikintu kidakwiriye kandi we yabonaga ari cyiza.
Niwikunda uzabaho wowe ubwawe, ubikore kuko ukwiriye kwambara uko ushaka mu gihe bishimisha umutima wawe, ariko ukirinda kubangamira abandi. Wikwita ku baguca intege. Abantu nibanenga ibyawe ujye umenya ko batagakwiriye kuguhitiramo ibikunogeye.”
Kuba uriho ubwawe birahagije kugira ngo wiyizere kandi ukore ibyiza. Nubwo waba uhura n’imbogamizi cyangwa ukaba warakuze ubabaye uba ushobora kwigirira icyizere. Kutigirira icyizere bishobora kugira ingaruka mbi ku hazaza hawe no ku bazagukomokaho.
Inama ze zose ziri muri iki kiganiro! Kirebe kuri YouTube
