× Home Ministries Choirs Pastors Bible Entertainment Development Health Love Fashion Music

Irebere indirimbo "Uriya" ya Theo wihebeye Gahongayire agafata Yabesi nk’icyitegererezo - VIDEO

Category: Artists  »  October 2023 »  Ev. Frodouard Uwifashije [Obededomu]

Irebere indirimbo "Uriya" ya Theo wihebeye Gahongayire agafata Yabesi nk'icyitegererezo - VIDEO

Nsanzubuhoro Theophile uzwi ku izina rya Theo yasohoye amashusho y’Indirimbo "Uriya" ikubiyemo ubutumwa bukomeza abacibwa intege n’abandi ikaba igamije gutanga ihumure.

Mu kiganiro yagiranye na Paradise.rw yavuze ko yahisemo gusohora amashusho y’iyi ndirimbo nyuma yo kubisabwa n’abakunzi be dore ko ari imwe mu ndirimbo zikunze gucurangwa ku maradiyo atandukanye.

Ni indirimbo yanditswe mu bihe bya Covid-19. Nyuma yo kuyishyira hanze mu buryo bw’amajwi,iyi ndirimbo abantu batandukanye barayikunze bakajya bayisaba by’umwihariko mu kiganiro cyitwa Sana Weekend Relax ndetse n’ikitwa Ibaruwa.

Mu rutonde rw’indirimbo rwashyirwaga hanze wasangaga iyi ndirimbo ariyo isabwa n’abantu benshi ikagira amajwi ya 1 bitewe n’ubutumwa bukomeye bukubiye muri iyi ndirimbo. Abantu benshi bakomeje kumusaba ko yashyira hanze amashusho yayo, kuri ubu akaba ashima Imana ko yabimushoboje.

Aganira na Paradise.rw yavuze ko ivomo ry’iyi ndirimbo ari umwami Yesu Kristo wanzwe bamwe bakamufata nk’udafite umumaro nyamara birengagije ko ariwe soko y’ubugingo ndetse yarakoraga ibitangaza birimo gukiza abarwayi,kuzura abapfuye.

Mu ndirimbo agaragaza ko hari abamubonaga bakavuga bati Uriya nta cyiza kimubonekamo. Aha yifashishije ubutumwa ahumuriza abasuzugurwa abereka ko batagomba gucika intege bagomba gukomeza guharanira kugera ku ntego no kubahamiriza ko bafite agaciro mu maso y’Imana.

Theophile watangiye ubuhanzi mu mwaka wa 2021 kuri ubu amaze gukora amajwi y’Indirimbo 12 akaba amaze gukora amashusho y’Indirimbo 1 akaba anateganya gukomeza gukora izindi ndirimbo.

Uyu umuhanzi ufata Israel Mbonyi na Aline Gahongayire nk’icyitegerezo akunze kwibona mu mboni za Yefuta.Amateka ya Yefuta agaragaza ko yavutse yangwa n’abavandimwe be nyamara bamaze guterwa baramwinginga ngo aze kubatabara.Uyu muririmbyi rero nawe yavutse mu buryo bwa Yefuta ariko kuri ubu Imana yamuhaye icyerekezo.

Uyu musore ufatanya kuririmba no gutwara imodoka nyuma yo kwibuka ineza y’Imana ndetse n’urukundo rwayo,Yashinze umuryango witwa Girimpuhwe ministry uzajya wita Ku bana batazi ba se aho uzajya ubagenera ubufasha butuma babasha gukura.

Nyuma yo gusohora iyi ndirimbo"Uriya" Theo akaba ateganya gukomeza gushyira hanze amashusho y’izindi ndirimbo ze.

Theo yashyize hanze indirimbo nziza cyane yise "Uriya"

RYOHERWA N’INDIRIMBO "URIYA" YA THEO

Tanga igitekerezo kuri iyi nkuru

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.