Abantu 1000 gusa ni bo bazitabira igitaramo cya Israel Mbonyi kibanziriza ikizamurikirwamo Album ye ya gatanu ishobora kuzamurikwa mu mpera z’uyu mwaka wa 2023.
Kuwa Gatatu tariki 03 Gicurasi 2023, Israel Mbonyi yatangaje inkuru nziza ku bakunzi be ko abafitiye igitaramo cy’abantu 1000 gusa. Ni igitaramo yise "Album Pre Launch" kizaba tariki 19 Gicurasi 2023 muri Intare Arena. Nk’uko yabisobanuye ni igitaramo kibanziriza icyo azamurikiramo Album.
Tariki ya 25 Ukuboza 2022 yamurikiye muri BK Arena umuzingo wa 4 mu gitaramo cyitabiriwe n’abarenga ibihumbi icumi. Birashoboka ko mu mpera z’uyu mwaka azamurika Album ya 5, bitanahitse icyo gitaramo cyazaba kuri Noheli nk’umunsi wamubereye uw’umugisha umwaka ushize.
Israel Mbonyi yavuze ko iki gitaramo cye cy’ejo bundi kizitabirwa n’abantu 1000, basabwa kuba bafite ubutumire. Paradise.rw yagerageje kumenya ibisabwa ngo umuntu ahabwe ’Invitation’ yo kujya muri iki gitaramo, tuza kumenya ko ’Invitation’ imwe ari 20,000 Frw.
Mbonyi yanditse ku mbuga nkoranyambaga akoresha, ati "Hello Kigali, Uwiteka yongeye kutugabira ibindi bihimbano by’umwuka byinshi bishya. Uyu muzingo nzawumurikira mwebwe inshuti zanjye muzaba mwabonetse ku wa Gatanu tariki 19/05/2023.
Hari ama invitation 1000 Gusa. Niba wifuza kubana natwe muri iyi Live recording. Fata iyawe vuba kare maze muzaze dutarame Intare Arena".
Twongeye twataramye
Israel Mbonyi ntajya yicisha irungu abakunzi be
