Mu kiganiro giheruka cya Ask Pastor John, umwigisha w’iyobokamana akaba n’umwanditsi w’ibitabo John Piper yasubije ikibazo cy’Umukristo witwa Mason, wari ufite impungenge z’uko ubuzima bwo mu ijuru bushobora kurambirana.
Mason yanditse agira ati: "Nari maze gusoma igitabo cya Randy Alcorn ku bijyanye n’ijuru. Mu ntangiriro, nari mfite ikibazo cyo kwiyumvisha uko ijuru rimeze, ndetse no kumva ibyishimo bihoraho mu gihe cy’imyaka ibihumbi, miliyoni, cyangwa n’ibihe bitagira iherezo. Ariko nubwo nageragezaga kubyumva, nagize ubwoba bwo gutekereza ku buzima budashira. Nibazaga nti: ’Ese ntibizaturambira?’"
Piper yemeje ko iki kibazo ari rusange kandi cyumvikana, kuko abantu bafite imyumvire igarukira ku gihe n’ubuzima bwo ku isi. Yifashishije Umubwiriza 3:11, agaragaza ko Imana yashyize "ibitekerezo by’ibihe bidashira mu mitima y’abantu," ariko ntibashobora gusobanukirwa ibyo Imana yakoze kuva ku itangira kugeza iherezo.
Yongeyeho ko mu ijuru, abizera bazabona ubwiza n’ubwiza bw’Imana budashira, kandi umubiri mushya bazahabwa uzabafasha kwakira ibyo byishimo bihoraho. Yagize ati: "Mu ijuru, tuzaba dufite ubushobozi bwo kwakira ibyishimo bihoraho, kuko tuzaba dufite umubiri mushya ushobora kwakira ibyo byishimo byose."
Piper yasoje avuga ko Ijuru atari ahantu ho kuruhukira gusa, ahubwo ari ahantu ho kwishimira Imana iteka ryose, mu buryo bushya kandi butarambiranye.
John Piper yasubije abibaza niba ubuzima bwo mu Ijuru bushobora kurambirana
