Kuri iyi nshuro irushanwa rya Rwanda Gospel Stars Live 2024 rigiye kuzenguruka igihugu. Iki gikorwa kigiye kuba hagamijwe gutoranya abanyempano 18 bazafashwa mu muziki.

Kuri ubu iri rushanwa rikaba rije mu isura nshya doreko ubusanzwe ryategurwaga mu rwego rwo guhuriza hamwe abahanzi b’ibyamamare mu muziki wo kuramya no guhimbaza Imana.

Kuri ubu ryaje mu isura yo kuvumbura no kuzamura impano nshya mu muziki wo kuramya no guhimbaza Imana Ndetse abategura iri rushanwa bakaba bazazenguruka igihugu cyose bashakisha zahabu zitwikirije amazi.

Ni igikorwa kikazabera mu turere dutandatu Aritwo: Musanze, Rubavu, Rusizi, Kigali, Huye na Rwamagana. Kizatangirira mu Karere ka Rusizi ku wa 2 Werurwe 2024 gikomereze i Musanze ku wa 16 Werurwe 2024.

Ku wa 30 Werurwe hazaba hatahiwe akarere ka Rubavu mu gihe ku wa 20 Mata 2024 hazaba hatahiwe ab’i Huye.

Biteganyijwe ko ku wa 4 Gicurasi iri rushanwa rizabera i Rwamagana naho i Kigali ribe ku wa 18 Gicurasi 2024.

Muri buri Ntara hazatoranywamo abanyempano ba mbere bazashyirwa mu mwiherero i Kigali, aba batoranywemo batatu bazahembwa.

Kuba iki gikorwa kizatangurira mu karere ka Rusizi benshi bakomeje kubifata nk’umugisha Imana yihereye abatuye kuri ubu butaka bufatwa nka butagatifu.

Abazi amateka y’idini rivuguruye rya Kiriziya Gatorika doreko kuwa 15 Nzeri 1899 Myr Hirth n’abari bamuherekeje bahagurutse i Kamoga berekeza mu Rwanda. Yari kumwe na ba padiri Alufonsi Burari na Pawulo Barutolomayo ndetse na Furere Anselme.

Babanje guca i Burundi kubonana n’uwari ukuriye ingabo z’abadage wayoboraga agace u Rwanda rwari rurimo. Ku wa 20 Mutarama 1900 ni bwo bageze i Shangi ho muri Rusizi ari na ho habereye misa ya mbere ku butaka bw’u Rwanda.(Misa ya 1 yabereye mu Karere ka Rusizi)

Uretse kirizoya Gatorika,Itorero rya ADEPR naryo rifitanye amateka akomeye n’aka karere ka Rusizi.

Itorero ry’Abapantekote mu Rwanda, ADEPR kuri ubu ribarurirwamo abayoboke barenga miliyoni ebyiri z’Abanyarwanda, ryatangiriye i Gihundwe mu karere ka Rusizi mu mwaka wa 1940 rizanywe n’abamisiyoneri b’Abanyasuwede.

Gahunzire Arstide ushinzwe ibikorwa bya ‘Rwanda Gospel Stars Live’ yatangarije paradise ko abatsinze bazahabwa ibihembo bishimishije.

Yavuze ko uwa Mbere azahembwa miliyoni 3 Frw n’amasezerano yo gufashwa mu gihe cy’umwaka, uwa Kabiri ahembwe miliyoni 2 Frw ni mu gihe uwa Gatatu azegukana miliyoni Imwe y’amafaranga y’u Rwanda.

Ati “Abo batatu bazaba batsinze bazakorerwa n’indirimbo bazaririmba mu gitaramo kinini kizasoza Rwanda Gospel Stars Live Season 2”.

Ikindi,Gahunzire Aristide Ushinzwe ibikorwa muri Rwanda Gospel Stars Live, yabwiye paradise ko mu Ntara n’Umujyi wa Kigali hazatoranywa abanyempano 18 bazahatana mu cyiciro cya ’Pre-Selection’ kizasiga hamenyekanye abanyempano 10.

Yavuze ko aba 10 bazahabwa amahugurwa, hanyuma bitegure guhatana mu cyiciro cya nyuma ari nabwo hazamenyekana batatu ba mbere.

Hazifashishwa Akanama Nkemurampaka mu byiciro byose, kandi hazanitabazwa amatora yo kuri Internet no kuri SMS mu rwego rwo guhitamo umunyempano ubikwiye.

Gahunzire yavuze ko uzaba uwa mbere azahembwa Miliyoni 3 Frw na Kontaro yo gukorana na Rwanda Gospel Stars Live mu gihe cy’umwaka umwe. Uwa kabiri azahembwa Miliyoni 2 Frw naho uwa Gatatu azahembwa Miliyoni 1 Frw. Iri rushanwa rizasozwa n’igitaramo gikomeye.

Ni igitaramo kizahuza batatu batsinze muri iri rushanwa, aho buri umwe azaririmba indirimbo yakorewe na Rwanda Gospel Stars Live. Kizaririmbamo kandi abahanzi bakuru mu ndirimbo zo kuramya no guhimbaza Imana bazaba batoranyijwe.

Biteganyijwe ko ‘Rwanda Gospel Stars Live Season 2’ izasozwa n’igitaramo gikomeye kizahuza abahanzi b’ibyamamare mu muziki wo kuramya no guhimbaza Imana.

Umwaka ushize iri rushanwa ryahuzaga amazina aremereye ryegukanywe na Israel Mbonyi wahawe urupapuro rupfunyutsemo miriyoni zirindwi (7 millions)anahabwa igikombe n’icyemezo cy’ishimwe nk’uwegukanye ‘Rwanda Gospel Stars Live’ Season 1. mu gihe yagaragiwe na Aline Gahongayire nk’igisonga cya 1 ahembwa Miliyoni ebyiri z’Amafaranga y’u Rwanda (2,000,000Frw).

Ku mwanya wa gatatu haje Itsinda rya Gisubizo Ministries ryahembwe Miliyoni 1 Frw n’aho Rata Jah NayChah wabaye uwa kane ahabwa ibihumbi 500Frw.

Israel Mbonyi niwe wagukanye irushanwa ry’umwaka ushize

Rwanda Gospel Stars Live Season 2 igiye gutangirira i Rusizi