Umuhanzikazi Uwizeyimana Oliva ni umubyeyi ufite abana 2 b’abahungu, abarizwa mu karere ka Rwamagana, umurenge wa Karenge, aha ni mu ntara y’Iburasirazuba ndetse akaba avuka mu muryango w’abana 6, kandi afite ababyeyi bose.

Kuri uyu wa 18 Kamena 2024 ni bwo uyu muramyi yashyize hanze indirimbo ebyiri (2) kandi nziza zihembura imitima y’umuntu wese wagize amahirwe yo kuzumva kuko ni indirimbo zuzuye ubutumwa arizo "Witinya", "Yesu aradutabaye".

"Witinya" ni indirimbo nziza cyane yuzuye ubutumwa, itanga ibyiringiro ndetse n’ihumure ku mukirisitu wese uri mu rugendo. Atangira agira ati: "Sigaho ureke gutinya ibizakubaho lmana izagutabara, waba uri mu ntambara zawe ihora ikuzirikana ku manywa na nijoro."

"Wibabara wihangane wireka imirimo yawe tuzabona imirimo yawe nidutabaruka. Umutwaro uremereye cyane nibyago biri mu nzira ucamo buri munsi ihangane lmana irabizi ihora iri maso ntijya ihunikira"

Indi ndirimbo ya kabiri yakoreye kimwe na "Witinya" yayise "Yesu aradutabaye". Aririmbamo ko Yesu yarageragejwe niyo mpamvu abangukira gutabara abageragezwa, abafite intambara nimukomere ndababwira ko Yesu aje kubatabara. Yemwe nimwihamgane nimushyitse umutima mu nda Yesu arabatabaye.

Ati: "Watabaye abagabo batatu SADURAKA, MESHAKE na BEDENEGO bari mu itanura ry’umuriro wabarinze gushya bavamo ari bazima. Ubatabara mu gitondo cy’umuseke butari bwacya ngo izuba rikurasire uca mu rihumye ababisha bacu abanzi bacu ntibavugirize impundu kunesha. Asoza agira ati: "Yemwe abamaze igihe murira, nimwihangane amarira yanyu ahindutsemo ibitwenge ".

Mu kiganiro na Paradise, uyu muhanzikazi Uwizeyimana Oliva yagize ati:"Kuririmba ndabikunda cyane, intego yanjye ni ukubwira abantu imirimo ikomeye Imana ikora no kwigisha abantu gukora ibyo gukiranuka.

Umuhanzikazi Oliva aje mu ndirimbo nziza cyane zuzuye ubutumwa

Ati :"Yemwe abamaze igihe murira nimwihangane amarira yanyu ahindutsemo ibitwenge ".

Ryoherwa n’indirimbo za Oliva