Umuvugabutumwa w’Umunyamerika Dana Morey agiye gukorera igiterane gikomeye cy’ububyutse cyiswe “Miracle Gospel Celebration” muri Uganda mu Mujyi wa Bweyale.
Muri uyu Mujyi wa Bweyale, igiterane k’iminsi ine kizaba guhera tariki ya 3 kugeza ku ya 6 Nyakanga 2025, kibere inyuma ya Petrol Uganda Grounds, kuva saa 3h00 z’umugoroba kugeza saa 8h00 z’ijoro buri munsi.
Ibi biterane nk’ibi bitegurwa n’umuryango A Light to the Nations, ukorera ibikorwa byo kwamamaza ubutumwa bwiza ku isi hose, by’umwihariko muri Afurika. Giteganyijweho gutanga ubuzima bushya mu buryo bw’Umwuka binyuze mu ndirimbo, amasengesho, ubuhamya, tombola n’ibitangaza.
Hazanabaho kandi igice cyihariye cyitwa Bold Faith Conference, kizajya gihuriza hamwe abayobozi b’amatorero atandukanye bo mu Mugi wa Bweyale, mu rwego rwo kubahugura, kuva ku itariki ya 4 kugeza ku ya 5 Nyakanga, kuva saa Kumi n’Ebyiri za mu gitondo kugeza Saa Sita buri munsi.
Mu bahanzi bategerejwe harimo Peggy Nighty and Bendera A Yesu [Prince Robby Elia], bazwi mu ndirimbo zihimbaza Imana muri Uganda. Hazatangwa ibihembo birimo moto, amagare, telefoni, televiziyo n’ibindi bikoresho byo mu rugo ku bufatanye na aln sandwich.
Umuyobozi wa A Light to the Nations muri Afurika, Dr. Ian Tumusiime, yasobanuye neza icyo iyi Sandwich ari cyo, dore ko bamwe bazi iri jambo nk’igisobanuro cy’umugati ukubiyemo byinshi.
A Light to the Nations ikoresha uburyo bwihariye mu gukurura abantu mu biterane byayo. Bukubiye mu gitekerezo bise “Gospel Sandwich” — ubutumwa bwiza buherekejwe n’impano zitandukanye nka moto zitangwa binyuze muri tombola, n’ibindi bikurura abantu.
Dr. Ian yasobanuriye Paradise ko "A Light to the Nations" itegura ibiterane binini bihuza abantu benshi b’amatorero atandukanye. Ababirimo bafashwa gutombora, nyuma guhabwa Ubutumwa Bwiza (ibyo bigize Gospel Sandwich, ubutumwa+tombola), aho ubutumwa bw’Imana bushyirwa imbere, bugaherekezwa n’impano zitandukanye zituma abantu bashishikazwa no kuza.
Yagize ati: "Kugira ngo baze ari benshi dutegura icyatuma bishimira kuza muri Gospel Sandwich, umugati urimo inyama n’utundi tuntu. Ni ubutumwa burimo impano nyinshi. Ubutumwa ni umugati, ibirimo bindi nk’impano nka za moto n’ibindi, ni za nyanya n’utundi duteranyirije muri wa mugati wa Sandwich."
Ibi ni byo bizaba no muri iki giterane kizamara iminsi ine.
Ibi bizaba ari ibihe by’Imana bigamije kongera kwizera no guhindura ubuzima bwa benshi mu buryo bw’Umwuka no mu mubiri.
Abifuza ibisobanuro birambuye bashobora kugera kuri:
[www.alttn.com](http://www.alttn.com)
