Bishop Prof. Fidele Masengo na Serugo Ben wo mu itsinda rya Ben na Chance, bageze kure imyiteguro y’igiterane gikomeye cy’Izuka rya Yesu bateguye, kigiye kubera i Browns Plains muri Australia.
Mu rwego rwo kwizihiza Pasika, ku nsanganyamatsiko igira iti: "His Cross, Our Hope" (Umusaraba We, Ni wo Mizero Yacu), hateguwe igiterane gikomeye kizahuza abayoboke n’abakozi b’Imana batandukanye ku isi, kikazabera mu mujyi wa Browns Plains, Australia, guhera ku wa Gatanu tariki ya 18 kugeza ku Cyumweru tariki ya 20 Mata 2025.
Iki giterane cyateguwe n’abakozi b’Imana bakomeye barimo:
Bishop Prof. Fidele Masengo
Pastor Benjamin Serugo
Ahazabera igiterane:
2/59 Eastern Road, Browns Plains, Australia
Itariki n’amasaha:
– Ku wa Gatanu, 18 Mata 2025: 4PM - 8PM (Friday Redeemed [Uwa Gatanu wo gucungurwa] - Praise & Worship Session [kuramya no guhimbaza Imana])
– Ku wa Gatandatu, 19 Mata 2025: 4PM - 8PM
– Ku Cyumweru, 20 Mata 2025: 4:30PM - 8:30PM
Ijambo ry’Imana rizashingirwa ku Yesaya 53:5, ahavugwa uburyo Yesu yababaye ku bw’ibicumuro byacu, agahabwa igihano kugira ngo tubone amahoro.
Iki giterane cyateguwe ku bufatanye bw’amatorero atatu akomeye: FPCA Church, Foursquare Citylight Church na Apostles Church.
Hateganyijwe ibihe byihariye byo kuramya no guhimbaza Imana (Praise & Worship), amasengesho, inyigisho zimbitse, n’igihe cyo kongera imbaraga mu kwizera ko umusaraba wa Yesu ar iwo soko y’umukiro n’icyizere cyacu.
Abatuye muri Australia n’ahandi hose batumiwe mu buryo bwihariye, ngo bahure n’Imana, bongere kwibuka no kwizihiza izuka rya Yesu Kristu.
"Umusaraba We, Ni wo Mizero Yacu!" – Easter Conference 2025.
