Abakobwa bitabiriye bahawe ubutumwa bukomeye bwo kumenya agaciro k’ubuzima bwabo n’uko bakwiye kubaho mu buryo bw’umwuka. Ni mu giterane "Restored to do it again" cyateguwe na Women Foundation Ministries ku bufatanye na Girls Impact Ministry.

Apotre Mignonne yiibukije abakobwa 600 bitabiriye iki giterane ko kwiyitaho ku buryo bwiza atari bibi, aho yatanze inama yo gukoresha make-up mu rugero, kugira ngo ababareba babone ko bafite isura nziza.

Yagize ati: “Mwisige makeup ziri mu rugero, uyu mwaka abazabareba babone ko mwabaye beza. Yesu na we naza azasange musa neza ku isura no ku mutima. Yesu azasange muri abakobwa beza bamunezerewe.”

Ubutumwa bwari buhuriweho n’amateka ya Eliya, bwerekana ko n’ubwo hari ubwo umuntu acika intege, igihe cyo guhaguruka kigera, kandi ko uyu mwaka ari igihe cyo gukora ibirenze.

Eliya yagize ubutwari bwo guhangana n’ibigeragezo, acika intege, nubwo yari yarishe abahanuzi ba Bayali.

Apôtre Mignonne yibukije aba bakobwa ko n’ubwo hari igihe umuntu acika intege cyangwa ahura n’ingorane, igihe cyo guhaguruka no gukora ibikorwa byiza na cyo kibaho.

Yabwiye abakobwa bari bitabiriye igiterane ko bakwiye kumenya agaciro k’igihe cyabo n’ubuzima bwabo.

Yababwiye ati “Ntituri abakobwa bameze nk’isukari, ahubwo turi umunyu ku bw’igihe cyacu. Isukari ikurura udukoko twitwa udushishi, ariko utwo dushishi ntitumenyera umunyu.”

Yasobanuye ko atari igihe cyo gukomeza kuba abanyantege nke cyangwa gukurikira gusa ibyishimo by’igihe gito, ahubwo ko ubu ari umwanya wo kugira uruhare no gukora ibyiza mu buzima bwabo.

Ikiganiro cyose kuri YouTube

Girls Impact Ministry - Pink Sunday (Restored to do it again) Ez. 36:26 With Apostle Mignonne Kabera