Akenshi uzasanga abantu bitwa ba Gad barangwa no kuba abanyembaraga, guhirwa mu byo bakora byose ndetse no kugira ubutunzi. Niba witwa Gad ukwiriye kumenya ko uri umunyamugisha. Muti ’byavuye he?’ Byose ni Paradise.rw isoko y’amakuru y’Iyobokamana.
Reka dusome itangiriro 30:10-11 "Zilupa umuja wa Leya abyarana na Yakobo umuhungu. Leya aravuga ati “Mbonye umugisha.” Amwita Gadi.
Nagira ngo ntangarize abakunzi ba gospel ko natwe tubonye umugisha. Mushobora kwibaza muti umugisha ni nde? Nanjye ndabasubiza nti, umugisha ni umuhanzi Gad Mugisha. Ubu bamwe mugiye kumbwira muti, wa musaza we nawe urarondogora? Mwasomye ibyanditswe byera se?
Ntimubona ko Lea yari yarabuze urubyaro, nyuma y’uko umuja we zilupa amubyariye Gad, yaje kubyara abandi bana barimo Isakali, Zebuloni ndetse na Dina? Nawe rero mu bibazo byawe, niba ufite umutima utentebutse, ngutuye indirimbo ’Shimwa’ ya Gad Huston, irakwibutsa urukundo rutarondoreka Imana yagukunze, ikwibutse imirimo itangaje yakoze ku bugingo bwawe.
Murabizi ko ngira amatsiko menshi, umwe mu bahanzikazi banditse inkuru ishimangira impano idasanzwe y’uyu muhanzi kuri ubu wibereye mu gihugu cya Leta Zunze Ubumwe za Amerika akaba anasengera mu itorero ry’abadivantisiti b’umunsi wa karindwi;
Nafashe igishura cya Paradise.rw ndifureba, nyarukira kuri cano y’uyu muhanzi, aka wa mubyeyi wibereye mu mashimwe i Musanze, nambara ekuteri, mfungura iyi ndirimbo yise "Amashimwe" ngo numve ko Gad nawe yahiriwe n’urugendo. Mbega indirimbo nziza mwa bantu mwe! Izina Gad rirasengeye.
Bumwe mu butumwa bukubiye muri iyi ndirimbo
: Ese nari kujya he iyo utaza kumpfira, ukankura mu mwijima w’ibyaha, iyo ataba urukundo mba narazimiye burundu, niyo mpamvu nzahora ngushimira!
Ref: Shimwa Mwami ku bw’ibyiza unkorera? Nari uwo kurimbuka burundu, ariko ineza yawe ituma tudashiraho, ituma tudashiraho iteka!!!"
Shimwa ni indirimbo yakoranywe ubuhanga buhanitse. Amajwi yayo yakozwe na Producer Alex Nkomezi, mu gihe amashusho y’iyi ndirimbo yakozwe na rurangiranwa mu gukora amashusho meza ariwe Producer Mugisha.
Ni indirimbo ikoze mu njyana ya Gisirimu, ituje mu buryo bufasha buri wese kumva ubutumwa bukubiyemo ndetse ni imwe mu ndirimbo zicurangitse neza.
Abashaka iyi ndirimbo ni ukujya kuri YouTube ukandikamo Shimwa-Gad Houston cyangwa se ukandikamo Gad Houston ugakora subscribe kugira ngo uzabashe kumva ubuhanuzi bwa Gad.
Mu ndirimbo ’Yesu ni sawa’, B4A baririmba ko ’nta gisebo kirimo kubona umwana w’umuhungu ajya guterana, uzabaze Aime, uzabaze Gaby’
RYOHERWA N’INDIRIMBO "SHIMWA" YA GAD HOUSTON
