Uwo uri wese, imyaka yawe yose, itorero usengeramo n’akarere kose utuyemo, niba utazi izina Tonzi ntunsubize inyuma ahubwo atura kudakunda ubutumwa bwiza ndetse n’ijambo ry’Imana.
Impamvu mpisemo kukwatuza, ni uko nzi neza ko kwatura atari icyaha, n’ikimenyimenyi n’umwanditsi w’igitabo cy’Abaroma 10:9 yaragize ati "Niwatuza akanwa kawe yuko Yesu ari Umwami, ukizera mu mutima wawe yuko Imana yamuzuye uzakizwa".
Kuko nanjye ubwanjye n’ubwo cyera nari nyakayaga nkisirabo aka wa muhungu wo muri Bibilia witwaga "Asaheri" akaba umwishywa w’umwami Dawidi, ariko najyaga nkunda gutembera hirya n hino, gusa aho nageraga nasanganirwaga n’indirimbo yuje ihumure n’impambur igira iti "Humura…Yesu arakuzi, Yesu wawe amenya byse".
Iyi ndirimbo ifatwa nk’indirimbo y’ibiragano byose mu Rwanda ni imwe mu ndirimbo uyu muramyi ndetse n’abakunzi ba Gospe babonamo inyungu, nk’Uko na wa muririmbyi yagize ati "Munsi y’umusaraba, nzagumay iteka, n’aho nabura ibyanjye nywubonamo inyungu".
Ni imwe mu ndirimbo zagejeje benshi ku musaraba, abandi yabakijije ihahamuka ndetse n’ihungabana. Nyuma y’iyi ndirimb, uyu muramyi yakomereje umuhamagaro we mu ndirimbo zirimo "Omushagama", "C’est Possible", "Bonne Annee", "Ushimwe";
"Ubukwe" yakoranye na bamwe mu bagize umuryango we, "Umukunzi", "Umugisha", "Ndagushima Mana", "Amakuru" akaba anaherutse gushora iyitwa "Warabikoze", "Ndakwizera" ndetse na "Igikuta" yatuye by’umwihariko Bosco Nshuti na The Bosebabireba.
Abantu benshi bakomeje kwibaza ibibazo bitandukanye kuri uyu muramyi. Dore bimwe mu bibazo bitatu benshi bakunda kumwibazaho bigafatwa nk’amayobera.
Kuki adacika intege ngo ave mu muziki ?
Uwitonze Clementine wamamaye nka Tonzi mu ndirimbo zo kuramya no guhimbaza Imana, mu minsi ishize aganira na Paradise.rw yavuze ko indirimbo nyinshi zikomeje kududubiza muri we nk’uko isoko y’amazi idudubiza. Yashakaga gushimangira ko agikomeje kwamamaza ubutumwa bwiza binyuze mu ndirimbo.
Iyo witegereje abaririmbyi batangiranye urugendo usanga benshi bararetse kuririmba ndetse baranamanitse inanga hakaba n’abisubiriye kuroba.Ubwo yabazwaga iki kibazo mu kiganir n’itangazamakuru,Tonzi yavuzeko Imana yabanye nawe mu rugendo rutrshye rwa muzika akaba amaze imyaka.
Ni gute ahuza akazi no kuririmba?
Benshi bakomeje kwibaza uburyo uyu muramyi urangwa no kuba umunyamurava no gukunda akazi ibyo bikanamushyira ku ku mwanya wa kabiri ku rutonde rw’abahanzi 20 ba Gospel bakize mu Rwanda. Ni urutonde rwakozwe na Paradise.rw mu mpera za 2023.
Ubwo yaganiraga na Paradise, abajijwe iki kibazo yagize ati "Akazi kanjye ka buri munsi aho gahurira no kuririmba, nuko indirimbo navuga ko ari ubuzima bwanjye kuko nisanga ndirimba. Bimfasha nanjye mu byo nkora kuba numva nguwe neza kuko ijambo ryiza rirarema, uko natura ibyiza nshima Imana, bimfasha mu byo nkora byose, kandi no kuririmba ni bimwe mu kazi Imana imperamo umugisha binyuze mu ndirimbo zitandukanye Imana inshyira ku mutima".
Benshi bakaba bakomeje gutangazwa n’uburyo usanga hari abantu bagira akazi katarenza amasaha ane ku munsi ugasanga barambitse microphone zabo ku myaka irutwa n’iya Lionel Messi ariko ugasanga Tonzi umuyobozi wungirije w’Inama y’Igihugu y’Abahanzi iyoborwa na Niragire Marie France washinze Genesis Tv, asohora indirimbo nibura mu mezi abiri akabona akanya ko kuririmba mu bitaramo karundura.
Tonzi abarizwa muri Alpha Entertainment yashyinzwe n’umutware we Alpha. Agendana ibanga ryo kubana neza n’itangazamakuru, ibintu bikunze kunanira abandi bahanzi. Mu gihe usanga hari ibyamamare bigorwa no kubana na buri wese, Tonzi ni umwe mu bantu badafata icyubahiro Imana yabahaye nk’imbogamizi yo kubana na buri wese amahoro.
Mu gihe hari abavuga ko batabona umwanya wo gusubiza ubutumwa bugufi bwa WhatsApp, usanga we iyo umwandikiye agusubiza ubutumwa bukiri mu kirere. N’ikimenyimenyi, Album ya cyenda yise "Respect" iriho indirimbo 15 zirimo iyo yakoranye n’abanyamuziki 15 ba Gospel aribo Tonzi, Dj Spin, Josh Ishimwe, Alfred Kwizera, Sano Olivier, See Muzik, Brian Blessed, Favour, Aguilaaa, Gilbert Heaven, Yves Bisengimana, Eddie Mico, Linda Kamikazi, Manzi Olivier, Rachel Rwibasira na Grace de Jesus.
Gukorana n’abahanzi 15 bivuze urukundo, kumenya kubana ndetse no kwiyumvanamo bikaba bitanga urugero rwiza ku bandi baramyi.
Uwitonze Clementine "Tonzi" akaba akomeje imyiteguro yo kumurikira abakunzi be Album yise "Respect" izasanga izindi album asanganywe ari zo: Humura, Wambereye Imana, Wastahili, Izina, I am a Victor, Amatsiko, Akira, Amakuru na Respect kuri ubu yageze hanze ikaba ikomeje kuryohera ababashije kuyigura bifashishije uburyo bw’ikoranabuhanga.
Gutunga Album ya 9 ya Tonzi ni ukwishyura 10,000 Frw, ukayibona wifashishije MTN Pay unyuze kuri *182*8*1*687603 ugahitamo umubare w’amafaranga angina n’ibihumbi icumi y’amanyarwanda.Iyo usoje,wifashisha ubutumwa bwa Watsap wandikamo ubutumwa bugufi kuri no 0791687603 ugahabwa ubutumwa burimo code na Link ikwemerera gutunga Album Respect.
Ni Album iriho indirimbo 15 arizo: Respect, Nshobozwa ft Gerald M; Merci, Warabikoze, Umbeshejeho, Uwirata, Nimeonja, Ndashima Ft Muyango, Niyo, Ubwami, Ndakwizera, Nahisemo, Wageze ndetse na "Kora" yahuriyemo abahanzi 15.
Tonzi umaze imyaka 20 mu muziki akomeje kwizeza abakunzi be kuzabaha ibyishimo mu kumurika iyi album ya 9, afatanyije na Team nini bazakorana mu kwinjiza neza abakunzi ba Gospel mu kwezi kwa Mata dore ko igitaramo cye giteganyijwe kuwa 31/03/2024.
Hari abanyamakuru benshi cyane ubwo Tonzi yerekaga itangazamakuru Album ye ya 9
Ibiciro bya Album ya Tonzi
Uko wagura Album ya Tonzi
RYOHERWA N’INDIRIMBO "WARABIKOZE" YA TONZI IRI KURI ALBUM "RESPECT"
