Bosco Nshuti agiye kongera guhuriza abantu mu gitaramo gikomeye yise “Unconditional Love” nyuma yo kuzenguruka u Burayi. Ibiciro by’amatike byamaze kugera hanze.
Nyuma y’igitaramo cya mbere cyabaye amateka, Bosco Nshuti arategura ku nshuro ya kabiri igitaramo yise “Unconditional Love Live Concert – Season 2”, kizabera Camp Kigali tariki 13 Nyakanga 2025 guhera Saa Kumi z’umugoroba (4PM).
Iki gitaramo cyateguwe na Bosco Nshuti Ministry, kizabera ahantu hanini hashobora kwakira abantu benshi kandi hifashishwe uburyo bugezweho mu gutaramira abantu. Ubutumwa nyamukuru buzibanda ku rukundo rw’Imana rutagira imipaka.
Dore ibiciro by’itike n’ibisobanuro byayo
Abateguye iki gikorwa bateganyije amatike atandukanye, hagamijwe ko buri wese abona itike ijyanye n’ubushobozi bwe. Dore uko ibiciro bihagaze n’ibisobanuro byabyo:
• Itike ya Bronze – 5,000 RWF:
Iyi ni itike y’ibanze, igenewe abafana cyangwa abazitabira bashaka kwifatanya n’abandi mu buryo bworoshye kandi buhendutse.
• Itike ya Golden – 10,000 RWF:
Iyi ni itike iri ku rwego rwo hejuru kurusha iya Bronze. Uyigura abona umwanya mwiza kandi wihariye ugereranyije n’iyo hasi.
• Itike ya Silver – 20,000 RWF:
Iyi itike yegereye Platinum mu rwego. Ifite ibyiza birenze ku bijyanye n’aho wicara n’ibindi byihariye.
• Itike ya Platinum – 25,000 RWF:
Ni itike y’icyubahiro irusha izindi zisanzwe. Iyo uyiguze ubona umwanya wa VIP, aho ubwitabire bwawe bufatwa nk’ubw’imena, bushobora no kuba burimo serivisi zidasanzwe (nka reception yihariye, amafunguro cyangwa ibinyobwa biteganyijwe).
• Table of 8 – 200,000 RWF:
Iyi ni ameza igenewe abantu 8. Iyo uyiguze uba uhawe ameza yawe yihariye, ushobora kwicarana n’inshuti zawe cyangwa umuryango. Akenshi iyi tike iba irimo n’izindi serivisi zidasanzwe nk’ibiribwa, ibinyobwa cyangwa kuganira n’abahanzi cyangwa abatumirwa
b’imena.
Amatike aboneka kuri www.bosconshuti.com, na ho ahazagurishirizwa amatike yanditse (physical tickets) hazatangazwa vuba.
Iki gitaramo cyitezweho kuba igikorwa cy’ivugabutumwa rikomeye no gutera ishyaka mu kuramya Imana ku rwego rwo hejuru. Ni amahirwe ku bakunzi ba gospel kubona Bosco Nshuti n’abandi bahanzi bafatanya muri uru rugendo rwo gushima Imana ku rukundo rwayo ruhoraho.
Ibi biciro biragaragaza uburyo bwagutse bwo kwitabira igitaramo, buri wese agahitamo itike ijyanye n’ubushobozi bwe n’uburyo ashaka kwitabira.
