Aline ni umukobwa wabyirutse akunda kuririmba kandi abifite mu nzozi nk’uko yabitangarije Paradise ati "Kuririmba byanjemo kuva kera ndi umwana muto cyane kuko nabikundaga cyane kuva kera nkumva ko isaha iyo ariyo yose nzakora indirimbo kuko nabikundaga cyane.

Kandi nkaba narandikaga indirimbo nkazibika nkumva ko nibinkundira igihe icyo aricyo cyose bizankundira nzakora indirimbo".

Uyu muhanzikazi Aline Uwitonze yashyize hanze indirimbo ye ya mbere mu mpera z’umwaka ushize ku wa 28 Ukuboza 2022, akaba ari indirimbo yitwa "Amashimwe". Nyuma yahise akurikizaho indirimbo yitwa "Uri uwange".

Aline Uwitonze yashyize hanze indirimbo ya 3

Aline Uwitonze yabwiye Paradise.rw inzozi ze mu muziki wa Gospel. Yagize ati "Inzozi zanjye ni ugushyira itafatari ku rindi ndetse no gukora uko nshoboye mu kuzamura umuziki wa gospel mu Rwanda no hanze yarwo".

Uyu muhanzikazi Aline yabyukanye imbaraga nyinshi cyane ndetse yifuza kugira uruhare runini mu muziki nyarwanda kuko akarusho ni icyifuzo yagize kuva cyera akiri umwana muto.

lyi ndirimbo ye nshya "Isezerano" Irimo amagambo meza agira ati "Hirya no hino barananiwe imitima yabo iraremerewe basa nabarambiwe bamaze kwiheba ngwino utwongerere imbaraga ibiduca intege biraremereye. Ariko twizeye isezerano,..ko umukiranutsi atazarambarara,..."

lzi ndirimbo ze wazisanga kuri shene ye ya YouTube ku mazina ye Uwitonze Aline

Aline yifuza gukora uko ashoboye mu kuzamura umuziki wa gospel mu Rwanda no hanze yarwo

RYOHERWA N’INDIRIMBO NSHYA "ISEZERANO" YA WINNY ALINE UWITONZE