Itsinda rimaze imyaka ibiri ritangiye umurimo waryo wo gukoropa insengero ndetse rinakomeza amaboko y’abashumba biciye mu kwishyurira abana babo amafaranga y’ishuri, ryavuye muri Uganda ryanditse amateka biciye mu itorosho.
Nyuma y’intego nyinshyi mu murimo w’Imana, abakobwa n’abasore babarizwa muri iri tsinda bakomeje gukora ibitumvikana mu matwi y’abantu kuko abantu bibaza kubera iki gukoropa insengero?
Abibaza ibyo baba bavuga ko urwo rubyiruko rwakabaye rukora ibindi byinshyi bikunzwe cyangwa bigezweho ariko hamwe n’iyerekwa ryabo ryo gukunda itorero n’abashumba, byabateye guhaguruka bafata urugendo berekeza i Kampala nyuma yo gusoza intara zose z’u Rwanda bakoropa insengero zitandukanye.
Pacifique Iraguha umwe mu bagize iri tsinda yaganirije Paradise.rw atubwira ko bafashe uru rugendo bajya kwihuza n’urubyiruko rwo mwitorero Agape Baptist Church Uganda kugira ngo babasangize iyi ntego, hanyuma banigiraneho byinshi bitandukanye mu murimo w’Imana, uko wakomeza gukorwa.
Yakomeje atubwira ko umurimo wagenze neza cyanee kandi imitima y’abantu yahembutse biciye muri iri yerekwa ritangaje ryo gukoropa insengero.
Iri tsinda ryanagiranye ibihe byiza byo kwizihizanya hamwe isabukuru ry’Imyaka 2 ritangiye gukora n’urubyiruko rwa Uganda bigenda neza humvwa ubuhamya n’amasomo bakuye muri iri yerekwa.
Basuye ikigo cya Word of Life Africa Bible Institute giherereye Entebbe, babasha gusobanurirwa uko bakwiga byimbitse ijambo ry’Imana bakarisobanukirwa.
Bavuye muri Uganda banditse amateka biciye mu itorosho
Bizihije imyaka ibiri bamaze babonye izuba
Aaron and Hur Ministry bakoze ivugabutumwa binyuze mu itorosho
