Itorero ADEPR ku bufatanye n’Ambassadors Football bahatangirije amarushanwa y’abana 240 bari munsi y’imyaka 13 mu ntego ivuga ngo “Yesu ni we Twamamaza”.
Iki gikorwa cyatangiye kuwa Kabiri tariki 27 Kanama 2024 stade ya Ruyenzi mu Karere ka Kamonyi, hatangijwe amarushanwa y’abana 240 bari munsi y’imyaka 13 binyuze muri porogaramu y’ivugabutumwa mu bana rinyuze mu mupira w’amaguru.
Aya marushanwa azamara iminsi itatu 27-29/08/2024. Yahuje amakipe 20 (10 y’abahungu n’abakobwa 10) yatsinze ayandi mu marushanwa yabaye mu Ndembo zose 9 yahuzaga abana 1080, akaba afite intego “Yesu ni we Twamamaza” Abakorosayi 1:28.
Ku munsi wa mbere w’aya marushanwa, aba bana basuwe n’Umushumba Mukuru w’Itorero ADEPR, Rev Isaie Ndayizeye, afungura ku mugaragaro izi ngando z’aba bana ku rwego rw’igihugu ziri kuba muri porogaramu y’ivugabutumwa rinyuze mu mupira w’amaguru.
Ni amarushanwa afite intego ivuga ngo “Yesu ni we Twamamaza”
