Victors band ni itsinda rimaze kugera ku rwego rwiza mu gahe gato rimaze. Ni itsinda ryatangiye mu kwa kabiri (Gashyantare) uyu mwaka.
Ni itsinda ririmo abaririmbyi b’abahanga. Mu gihe gito bamaze, bageze ku rwego rwiza. Rikorera mu Biryogo muri Kigali, rikaba rigizwe n’abaririmbyi 12.
Abaririmbyi bose hamwe n’abacuranzi ni 20. Ni itsinda rihuriyemo abaririmbyi bo mu matorero atandukanye gusa bose bahuriye ku kuba ari abakirisitu.
Iri tsinda ryashyize hanze indirimbo abenshi bakunze kwita (Cover) ikaba iri mu rurimi rw’ikizulu. Ni indirimbo basubiyemo y’umuhanzi Benjamin Dube wo muri South Africa yitwa "Yiwo lawa".
Inyikirizo iragira iti: "Amandla, Amandla! Amandla ka Jehovah". Mu kinyarwanda biravuze ngo "lmbaraga! lmbaraga! lmbaraga z’Uwiteka. Ni indirimbo iryoheye amatwi kuyumva kuko yafashweho n’abaririmbyi b’abahanga bafite impano.
Iri tsinda ryo mu Biryogo mu mujyi wa Kigali rifite ibikorwa byinshi riri gutegura by’umwihariko ’Live recording’ bafite mu kwezi gusoza uyu mwaka (Ukuboza).
Mu kiganiro na Paradise.rw, umwe mu baririmbyi bagize Victors band, Mugisha Elie yagize ati: "Nkatwe nk’itsinda ryacu dufite intego yo kwamamaza ubutumwa bwiza bwa Yesu Kiristo binyuze mu ndirimbo za gospel tukagira uruhare mu guhindurirwa benshi kwegera Kristo bakaba mu isi y’umwijima bakamurikirwa n’umucyo wa Kiristo".
