Nyuma y’iminsi havugwa inkuru nyinshi mbi kuri Bishop Gafaranga harimo iza gatanya n’umugorer we wa mbere, hakazamo n’inkuru z’imanza zaturukaga ku bivugwa ko yaba yarariye amafaranga umunyakanadakazi amusezeranya kuzamushaka;

Hakaza n’ibyo ubwe yihamirije bijyanye no guhomba agana na miliyoni 70 frw muri imwe muri kompanyi yakoraga ibijya no kugura no gukodesha imodoka, n ibindi byinshi bavugaga ko umugore we Annette Murava yaba yariteye umuruho kuba yarashakanye n’umugabo w’umudivoruse ufite n’abana, bongeye kugaruka mu ruhame batakana by’agahebuzo.

Byari mu ijoro ryo kuri uyu wa Mbere tariki 7 Kanama 2023 ubwo Bishop Gafaranga yasangizaga abamukurikira kuri Instagram amafoto y’umugore we Annette Murava amwifuriza isabukuru nziza mu magambo yuje imitoma myinshi cyane.

Yagize ati ; "Isabukuru nziza Mugore wanjye nkunda, ndashima Imana ko yakongereye umwaka wo kubaho, kugira ngo ukomeze umpe ibyishimo mu buryo bwose, kandi nanjye nkomeza kuguha ibyishimo mu buryo bwose.

Nezezwa n’uburyo unyitaho n’uburyo undwanira ishyaka. Komeza utere imbere mu buryo bw’umwuka no mu buryo bw’umubiri, ndetse nkwifurije kugera ku nzozi zawe. Happy birthday my love bizou!!!!".

Ibyo yabyanditse anazavangamo utu emoji tw’imitima itukura anarangije aranamutaginga ashyiraho konti ya instagram yitwa Muravaannette. Naho Annette Murava mu kumusubiza nawe.

Yagize ati ; "Thanks a lot heart, I appreciate everything and enjoyed the best times that we had together and I thank God that this year found us being together as a married and blessed couple, can’t wait to celebrate other many years with you and dukomeza kwishimira imigisha Imana yatugeneye".

Ugenekereje ibiri mu magabo y’icyongereza, yamushimiraga kandi ko anezezwa n’ibihe byiza bagiranye, anashima Imana kuba yabafashije bagashyingiranwa akanakomeza avuga ko atewe amatsiko n’imyaka myinshi bari kumwe.

Ntibyahereye aho gusa kuko Gafaranga yashyizeho n’ifoto ya kabiri nayo yifuriza umugore we isabukuru nziza, iherekejwe n’amagambo agira ati; "Happy birthday my love! Habayeho imyaka myinshi kuri wowe no kuri njyewe ariko uyu mwaka wo ni akataraboneka ubwo ugize isabukuru ndi kumwe nawe ni umunezero".

Nayo yari irimo imoji y’imitima itukuru hamwe n’iza keke. Nubwo Gafaranga mu minsi ishie atari yorohewe, aherutse kwisuganya aho kuri ubu aherereye mu bucuruzi bw’imyenda, aho akorera muri imwe mu nyubako ziri mu mujyi, akaba acuruza imyenda y’ubwoko butandukanye ndetse n’inkweto.

Bishop Gafaranga n’umugore we Annette Murava, bakoze ubukw tariki 11 Gashyantare 2023. Ni ubukwe bwavugishije benshi dore ko babujemo itangazamakuru, ibintu byatumye na n’ubu hari abataremera ko aba bombi barushinze. Ni ubukwe bwabereye La Palisse Hotel i Nyamata. Paradise.rw niyo yabashije kubona amashusho ya Annete Murava ku munsi w’ubukwe bwe.

Gafaranga aherutse kuvuga ko umugore we ari mwiza ndetse ko atewe ishema nawe

Ni ubwa mbere hasohotse ifoto ya Gafaranga ari kumwe na Murava kuva bakora ubukwe. Iyi foto ni iyo ku munsi Gafaranga yambikaga impeta Murava

Imitoma iravuza ubuhuha bwa Gafaranga na Murava

Annette Murava yari yarahishe uwamwambitse impeta

RYOHERWA N’INDIRIMBO "NIHO NKIRI" YA ANNETTE MURAVA