Umuramyi Sharon Gatete ufite igitaramo kuri uyu wa Kane tariki 03/08/2023, akomeje kwibutsa abakunzi ba Gospel ko ababikiye byinshi mu gitaramo cy’uyu munsi.
Ni igitaramo gitangira saa moya kugeza saa tatu z’ijoro kikabera ku Kacyiru ahitwa L’Espace hafi y’isomero rikuru ry’igihugu.
Mu kiganiro na Paradise.rw, Sharon Gatete yagize ati "Ndararikira abakunzi ba Gospel kuza kunshyigikira muri benshi kuko mbafitiye surprise".
Yakomeje atangaza ko kuri ubu amatike akomeje kugurwa ku bwinshi. Yagize ati "Hari byinshi nateguriye abakunzi ba Gospel, ahubwo uyu munsi ntimuntenguhe. Ndabagaburira ibihiye".
Iki gitaramo cyiswe "Nzategereza live recording concert" cyateguwe n’umuramyi Sharon Gatete agamije gusogongeza abakunzi be zimwe mu ndirimbo zigize "Nzategereza Album" ndetse no gufata amajwi n’amashusho y’indirimbo ze nshya.
Sharon agutumiye mu gitaramo "Nzategereza live recording concert"
RYOHERWA N’INDIRIMBO "NZATEGEREZA" YA SHARON GATETE
