Umuhanzi uzwi mu ndirimbo zo kuramya no guhimbaza Imana, Patient Bizimana n’umugore we Uwera Karamira Gentille bibarutse umwana w’umuhungu w’ubuheta kuri uyu wa 24 Mata 2024.
Bimenyekanye nyuma y’ifoto Patient Bizimana ashyize ku rukuta rwe rwa Instagram, iherekejwe n’amagambo agira ati: “Uwiteka yadukoreye ibikomeye, natwe turishimye.
Umuryango wanjye na Gentille Bizimana (umugore we) turashima Imana cyane, ku bw’umwana w’umuhungu iduhaye, Elijah Bizimana (izina ry’umwana bibarutse).
Uyu mwana ni ubuheta (umwana wa kabiri), kuko uyu muryango wibarutse imfura yawo y’umuhungu ku wa Gatanu tariki 23 Nzeri 2022, avukira muri Leta zunze Ubumwe z’Amerika, muri Leta ya Tennessee, aho batuye, ari na ho uyu yavukiye.
Umuririmbyi Patient Bizimana wubatse izina mu kuramya no guhimbaza Imana yifashishije ibihangano by’indirimbo, yimukiye muri Leta Zunze Ubumwe z’Amerika nyuma y’itariki 19 Ukuboza 2021 amaze gukorana ubukwe na Karamira Uwera Gentille wari usanzwe ahatuye.
Uyu muhanzi ukomeje gukorera umuziki we wo kuramya no guhimbaza Imana muri Leta Zunze Ubumwe z’Amerika aheruka gusohora indirimbo ku wa 5 werurwe 2024. Ni indirimbo yise Arandinda, ikaba ari imwe mu zikunzwe n’abatari bake. Izindi azwimo ni Ubwo Buntu, Amagambo Yanjye, Nubw’Ijoro n’izindi.
Patient Bizimana
Uwera Gentille
Umuryango wa Bizimana n’Uwera
