Umutwe w’iterabwoba wibasiye Dr. Stephen Angbas, ukuriye ibitaro bya Angbas mu mujyi wa Lafia, ahagana mu ma saa yine z’ijoro ubwo yari atashye avuye mu isambu ye mu Ntara ya Awe, nk’uko byatangajwe n’umuturage w’akarere Jackson Habila mu butumwa bugufi.

Habila yavuze ko Angbas yari umwe mu bagize Itorero ry’ivugabutumwa rivuguruye rya Kristo. Umuvugizi wa polisi, Rahman Nansel wo mu buyobozi bwa polisi mu gace ka Nasarawa, mu kiganiro yagiranye n’abanyamakuru yavuze ko umushoferi wa moto wa Angbas, Mikailu Dahiru, yakomerekeye mu gitero cyagabwe ku muhanda wa Jangargari -Awe .

Ababyiboneye bavuze ko ababateye babateye bakoresheje imihoro kandi ko Dahiru yahise ajyanwa mu bitaro byegeranye kugira ngo avurwe ibikomere bikomeye. Byakomeje gutera urujijo bamwe niba icyo gitero cyari gishingiye ku idini, nubwo imiterere y’iki gitero iteye ubwoba yari imeze nk’ibitero by’iterabwoba byo muri Nijeriya byibasiye abakirisitu.

Intara ya Nasarawa yagabweho ibitero n’abagizi na nabi ba Fulani n’indi mitwe y’iterabwoba itandukanye. Kuva ku ya 24 Mata kugeza ku ya 29 Mata, ibyihebe bya Fulani byishe abahinzi 12 b’Abakristu i Ajimaka, mu Ntara ya Doma, mu bitero byaho no mu yindi midugudu 13.

Hagati muri Werurwe, abitwaje intwaro bibasiye imiryango yiganjemo abakirisitu bo muri leta ya Nasarawa bahitana abantu barenga 200 kandi basenya amazu n’imirima nk’uko byatangajwe n’ishyirahamwe ry’iterambere rya Ajiri Afo rifite icyicaro i Nasarawa.

Raporo ya World Watch List (WWL) ivuga ko Nigeriya yayoboye isi mu bakristu bishwe bazira ukwemera kwabo mu 2022.